Urizar:'Lurralde eta gizarte kohesiotik eraiki behar da Euskal Herria'
Pello Urizar EAko idazkari nagusi eta EH Bilduko legebiltzarkideak adierazi duenez, "erabakitzeko eskubidea erreminta gisa hartuta, Euskal Herriaren etorkizuna lurralde eta gizarte kohesiotik eraiki behar da".
Aberri Egunaren harira Independentistak sareak Iruñean antolatutako ekitaldiekin bat egin du ezker abertzaleak, eta eguerdiko mobilizazio nagusia aurretik kazetarien aurrean hitz egin du Pello Urizarrek. Erabakitzeko eskubidea aldarrikatzen dutenen inguruan gehiengo sozial eta politikoa eraikitzeko deia egin du EH Bilduko legebiltzarkideak. Koalizioak horretarako tresna eraginkorra izan nahi duela azpimarratu du, bai ikuspegi nazionala izango duten akordioak gauzatuz eta baita gaia herrialde honen agenda sozialean gehituz ere.
Urizarrek azpimarratu duenez, aldaketa politikorako eta sozialerako tresna gisa ulertzen du EH Bilduk erabakitzeko eskubidea: "hiritarren eskura dagoen tresna bat da bera izan dadin protagonista nagusia eragiten dioten eta herrialdearen etorkizunari buruzko erabakiak hartzerakoan".
Estatu espainiarrera begiratuta, Urizarrek azpimarratu du Estatuak ez duela "inolako borondaterik" Euskal Herria "subjektu politiko gisa" aitortzeko, eta Estatuarekin akordio batera heltzeko aukera bakarra etsi eta inposatutako legea onartzea dela. "Hori dela eta, Euskal Herritik pausoak ematearen beharra proposatzen dugu, herrialde gisa aurrera egiteko aukera bakar gisa", gaineratu du.
Ildo horretan, Urizarrek zehaztu du euskal gizarteari bide horretan aurrera egiteko bide bat, tresna bat, akordio bat edota gehiengo bat eskaintzeko erantzukizuna duela EH Bilduk. "Gizarte eta herri gisa gure etorkizuna bermatzeko eta hobetzeko aukera erreal bakarra independentzia dela ikusarazi behar dugu", nabarmendu du.
Bestalde, Pernando Barrena Sortuko bozeramaileak Euskal Herriaren independentzia eskatu du, ez bakarrik "planteamendu identitario" batetik, baita euskal herritar guztientzat justizia soziala lortzeko bide gisa. Barrenaren esanetan, independentzia da berdintasunezko gizarte bat eta euskal herritar guztientzat justizia soziala lortzeko aukera bakarra.
Txutxi Ariznabarreta Independentistak sareko bozeramaileak ere hartu du hitza eta Euskal Estatua eraikitzeko eta Euskal Errepublika Independentea aldarrikatzeko asmoa agertu du. Ariznabarretaren esanetan, "erabakitzeko aroan sartu gara" eta demokraziari, justizia sozialari, etorkizunari, euskarari, euskal estatuari eta independentziari bai esateko garaia da. "Mugimendu abertzaletik harago joango den mugimendu independentista sortu behar dugu", gaineratu du.
tu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.