Urkulluk esan du legegintzaldia ez dela amaitu eta lana duela egiteko
Iñigo Urkullu lehendakariak esan du legegintzaldia ez dela amaitu Gobernu Programaren 1.000 eguneko balantzearen aurkezpenarekin, eta Jaurlaritzak lanean jarraituko omen du, "asko" duelako egiteko.
Hori horrela, Urkulluk oposizioaren kritikei erantzun nahi izan die, legegintzaldia amaitutzat ematea eta "kanpainan" hastea leporatu baitio, nahiz eta ez duen hauteskunde aurrerapenik iragarri.
Urkulluk eguerdian egin du agerraldia Gasteizko Lehendakaritzan, sailburu eta goi-kargudunen aurrean, Eusko Jaurlaritzak Gobernu Programa aurkeztu zuenetik 1.000 egun igaro direnean, horren balantzea egiteko.
Etorkizuneko erronkak
Lehendakariak, hurrengo legegintzaldiari begira, estatus politiko berria lortzea, ETA behin betiko armagabetzea eta memoria historikoaren inguruan "adostasun soziala" lortzea jarri ditu helburu gisa, besteak beste.
Horrez gain, 2020an langabezia % 10etik beherakoa izatea, Barne Produktu Gordina Europar Batasuneko batez bestekoaren % 125 izatea, 'Euskadi Basque Country' proiektua garatzea eta eskola porrota % 8ra ez iristea nahi du.
Balantzea
1.000 egunen balantzeari dagokionez, Urkulluk azpimarratu du Gobernu programaren % 90a bete dutela, hitzemandako 629 ekimen jarri dituztela martxan, defizitaren helburuak bete dituela, egitasmo estrategikoen % 100a martxan dagoela, gizarte politikak bermatu dituela eta hazkundea, enplegua eta lehiakortasuna indartu dituela, "esfortzu handiarekin".
"Guk ez dugu esaten krisia amaitu dela, baina joera positiboan gaude", azaldu du. Horren harira, 2016ko lehenengo hiruhilekoan BPGk gora egin duela zehaztu du. "Orain haztea egokitzen zaigu", adierazi du, 2016a oraindik zaila izango dela eta baliabideak urriak izango direla aitortu aurretik.
Hasieran hitzemandako 29 lege proiektuetatik 23 onartu dituztela gogorarazi du, tartean Mendekotasunena, Larrialdiena, Turismoarena, Hirugarren Sektorearena, Aurrezki Kutxena, Portuena eta Lan Heziketarena.
Urkullu, balantzearen aurkezpenean, Lehendakaritzan. Efe
Txostena egiteke dute, ordea, Poliziaren, errepresioaren Biktimen, energia iraunkortasunaren, kooperatiben, diru-laguntzen, gurtza zentroen eta kultur ondarearen lege proiektuen kasuan.
Gainera, EAJk eta EH Bilduk Udal Legea aurrera ateratzeko egin zuten akordioa azpimarratu du, "mugarri historikoa" izan delako. "Ez dugu legegintzaldia amaitu, lanean jarraitzen dugu, ez da legegintzaldiaren amaiera", berretsi du. Hori dela eta, Gobernuaren lana ez dela amaitu, eta gaurko ekitaldia balantzea besterik ez dela izan azaldu du.
Iñigo Urkulluk, biktimen esparruko politikei dagokienez, errekonozimendurako eta konponketarako neurriak aipatu ditu, 'Batera' ekimenaren harira. Memoria alorrean, berriz, Gogora Institutuaren sorkuntza eta Memoria Historikoa lantzeko programak aipatu ditu.
Oposizioaren kritikak
Zure interesekoa izan daiteke
Ansolaren esanetan, EAJ ez da inoiz egongo Vox partaide den alternatibetan: "Voxekin inoiz ez, ezer ez"
Iñigo Ansola Bizkai Buru Batzarreko presidenteak Voxen alternatiba politiko oro baztertu du: "Ez dugu inoiz parte hartuko Vox presente dagoen inongo alternatibatan... printzipioengatik, balioengatik, gure herriarekiko errespetuagatik. Voxekin inoiz ez, ezer ez".
EAJren eta PSE-EEren arteko talka Bizkaiko plan fiskala dela eta
Talentua erakartzeko eta enpresen sustraitzea indartzeko asmoz Bizkaiak kenkari fiskalen pakete handi bat iragarri eta biharamunean, euskal sozialistek euren haserrea agertu dute, bai edukiagatik, bai formagatik. Mikel Torres PSE-EEko buruak adierazi du bere alderdiak komunikabideen bidez ezagutu zuela neurria.
Podemos Euskadik M-15eko espiritua berreskuratzeko deia egin du, herritarrak ustelkeriarekin "nazkatuta" daudelako
Podemos Euskadiko koordinatzaile nagusiak, Richar Vaquerok, M-15aren espiritua berreskuratzeko deia egin du, gaur egun, orain 15 urte bezala, herritarrak "nazkatuta" daudelako "ustelkeriarekin, erreskate publikoetan egindako azpijokoekin eta pertsona gutxi batzuek erakundeak beren onurarako erabiltzearekin".
PPk azalpenak eskatuko ditu USaPeko euskara azterketan izandako zero mordoagatik, eta ikerketa eskatu du
Esther Martinez EAEko PPko idazkari nagusiak iragarri duenez, bere alderdiak azalpenak eskatuko ditu, Unibertsitatera Sartzeko Probaren (USaP) euskara azterketan zero mordoa izan delako. Suspentso gehienak itunpeko ikastetxeetako, A ereduko eta epaimahai jakin batzuetako ikasleek izan dituzte.
Enplegu publikoaren legeari segurtasun juridikoa ematea espero du EAJk, eta EH Bilduk akordioa posible ikusten du "alderdi askotan"
PSE-EEk "akordioak hautsi" izana egotzi die jeltzaleei, "hainbat hilabetez negoziatzen egon ostean", eta PPk eta Voxek "politika inposatzailea" dela uste dute.
EAJk Ipar Euskal Herrirako bere marka berritu du: Le Parti Basque
Aitor Estebanek Bidarten adierazi duenez, nomenklatura berri honek alderdiaren "balioak eta ideologia abertzale eta zentrokoa hobeto ordezkatzen ditu".
Eusko Jaurlaritzak ertzain baten aurka Leioan izan den "seinalatze publikoa" gaitzetsi du
Hainbat kartel agertu dira Leioako ikastetxe baten inguruan, maiatzaren 23an Loiuko aireportuan izan zen Ertzaintzaren dispositiboaren arduraduna seinalatuz.
Ibone Bengoetxea: "Munduko txapelketa ekartzeko marra gorria akordio orekatua da"
Bilbo eta Donostia 2030eko Munduko Futbol Txapelketaren egoitza izateari buruz galdetu dio Amaia Martinez Voxeko legebiltzarkideak Kultura eta Hizkuntza Politikako sailburuari. FIFAren baldintzak "ez dira gutxi, ezta txikiak ere", Bengoetxearen hitzetan, eta hirietako mugikortasuna mugatzea edo munduko txapelketak "hiriko beste ekitaldi propioekin" bat ez egitea nabarmendu du horien artean. Eusko Jaurlaritzak "ez du txeke zuririk sinatuko, ezta hankak, eskuak eta ahoa lotuko ere", gaineratu du.
Zapatero kontrabando eta delitu fiskalengatik ikertzen ari da Calama epailea, bulegoan aurkitutako bitxiengatik
Plus ultra auzia ikertzen ari den Auzitegi Nazionaleko epaileak pieza bereizitua zabaltzea agindu du 1,3 milioi euroko balio estimatua duten bitxien harira, horien jatorria behar bezala "justifikatuta" ez dagoelakoan.
EH Bildu abstenitu egin da, eta zabalik utzi du ados jartzeko aukera EPEetan euskarari segurtasuna emateko
Koalizio abertzaleak ez du argitu proposamenaren behin betiko onarpena babestuko duen, baina "akordiorik eza ez da aukera bat", ohartarazi du.