Alonsoren adierazpenak 'lotsagarriak' direla esan du Erkorekak
Alfonso Alonso Osasun ministroaren adierazpenak “lotsagarriak” direla adierazi du Josu Erkoreka Eusko Jaurlaritzako bozeramaileak. Erkorekaren ahotan, Alonsok EAEko Exekutiboarekin eta EAJrekin “adostasuna eta akordioak bilatzeaz” hitz egitea “kontraesana” da, “Espainiako Gobernuaren jarrerak autogobernuarekiko eta Jaurlaritzarekiko ikusita; eskumenen judizializazioa behin eta berriro, eta zentralizazioa”.
Eusko Jaurlaritzaren eta Espainiako Exekutiboaren arteko gatazka maila “oso handia” ez zela adierazi zuen Osasun ministroak, legealdi honetan Madrilek EAEko hiru lege soilik auzitara eraman dituelako. Hala ere, Jaurlaritzak 23 eskumen gatazka planteatu dituela gogorarazi zuen Alonsok.
Alonso “zuzendu” nahi izan du Erkorekak, Espainiako Gobernuaren eta Gasteizko Exekutiboaren artean 33 “auzi gurutzatu” daudelako. Auzitegi Konstituzionalaren aurrean aurkeztutako helegiteak eta administraziorekiko auzi-prozesuak zenbatu ditu Jaurlaritzako bozeramaileak.
Administrazioarekiko auzi-prozesuen bidez, Espainiako Gobernuak 35 orduko lanaldia eta Hezkuntza Saileko beka politika auzitara eraman ditu, Erkorekak gogorarazi duenez.
Mariano Rajoyren Exekutiboaren “zentralizazio obsesio etengabea izan da legealdian”, ziurtatu du bozeramaileak. Erkorekaren hitzetan, erkidegoek eta oposizioak Kongresuan Gobernuaren jarrera salatu dute, ez bakarrik Jaurlaritzak.
“Bistako kontraesana”
Horregatik, PPko buruzagiak EAJri akordiorako eta lankidetzarako deia egitea “bistako kontraesana” da, Espainiako Gobernuak legealdian eta “batez ere azken hilabeteetan” izandako jarrera ikusita, Erkorekak azaldu duenez.
Zentzu horretan, Alonsoren hitzak Eusko Jaurlaritzarengana eta EAJrengana “hurbiltzeko” izan zirela onartu du bozeramaileak, baina aldi berean “Gobernuaren jarrerak” salatu ditu, “autogobernuaren aurkako ekimenak, eskumenen judizializazioa eta zentralizazioa” aurrera eraman dituelako.
aman dituelako.Zure interesekoa izan daiteke
Epaileak Jose Luis Rodriguez Zapatero inputatu du 'Plus Ultra auzian', ustez dirua zuritzeagatik
Espainiako Gobernuak Plus Ultra airelineari emandako 53 milioi euroen ustezko erabilera irregularra ikertzen ari da Jose Luis Calama Auzitegi Nazionaleko magistratua.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.