Atzeratuta, terrorismoa sarean goratzeagatik egitekoa zuten epaiketa
Auzitegi Nazionalak atzeratu egin du Facebook sare sozialaren bidez terrorismoa goratzea egotzita gaurtik aurrera egitekoa zen epaiketa. Akusatua 25 urteko gazte bat da, Talavera de la Reinakoa (Toledo), eta, besteak beste, Facebooken duen kontuan ETAren eta GRAPOren anagramak partekatzea leporatzen diote.
Gaur hastekoa zen Auzitegi Nazionaleko Zigor Aretoko 1. Sekzioan V.S.E. gaztearen kontrako epaiketa, baina defentsaren iturriek azaldu dutenez instruktorea eta polizia-atestatuaren idazkaria bertaratu ez direlako atzeratu egin da. Antza denez, familia arrazoiak direla-eta ezin izan dute epaiketara agertu. Bertaratu ez diren pertsona horiek zehaztu behar dute Facebooken kontu hori "hackeatu" egin zuten edota zigortu nahi dituzten mezuak akusatuak idatzi zituen.
Fiskalak urtebete eta sei hilabeteko espetxe-zigorra eskatu du akusatuarentzat, eta 10 urtez erabat gaitasungabetzea eta hauteskundeetara hautagai moduan aurkeztea debekatzea 'Victor Gaztela Komuneroa' izengoitiarekin Facebooken idatzitako hainbat iruzkinengatik.
Fiskaltzaren behin-behineko idazkiaren arabera, 2011. urtean hasi zen gaztea iruzkin horiek idazten, eta 2012an idatzitako hainbat iruzkin nabarmendu ditu Fiskalak horien artean; esaterako, 2012ko abenduaren 22an idatzitakoa, Euskal Herriko maparekin eta 'Euskadi Ta Askatasuna' ETAren izenarekin. 2012ko uztailean gauza bera egin zuen GRAPOko anagramarekin.
2012ko urriaren 4an, GRAPOko presoen argazki bat partekatu zuen, horientzat amnistia osoa eskatuz. "Hona hemen bandera burges espainola putarekin egiten dudana", idatzi zuen egun batzuk lehenago, hainbat ezezagunek osatzen zuten talde batek Espainiako bandera erretzen erakusten zuen argazki batekin batera.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.