Terroristak jazartzeko laguntza eskaini dio Espainiak Frantziari
Terroristak aurkitu, jazarri eta zigortzeko Espainiaren “lankidetza guztia” eskaini dio gaur Mariano Rajoy Gobernuko jarduneko presidenteak Frantziari. Terrorismoa mehatxu globala dela azpimarratu du Rajoyk, eta, hori dela eta, erantzuna “globala eta bateratua” izan behar dela erantsi du.
Moncloa jauregian egin duen agerraldian, Rajoyk Espainiaren elkartasuna agertu die Nizako erasoaren biktimei, eta bat egin du “pertsona zintzo guztiekin, basakeriaren, zentzugabekeriaren eta giza bizitzari mespretxurik handiena erakusten diotenen biktima izan baitaitezke”.
Gobernuak dolu ofiziala ezarri du larunbateko 09:00ak arte, eta minutu bateko isilunea deitu du eguerdirako erakunde ofizial guztietan.
Oraingoz, biktimen artean ez dago espainiarrik, jarduneko presidenteak baieztatutakoaren arabera.
Rajoyren esanetan, Soraya Saenz de Santamaria Gobernuko jarduneko presidenteordeak indar politiko nagusietako buruzagiei deitu die goizeko lehen orduan, egoeraren berri emateko. Erregearekin ere hitz egin dutela nabarmendu du.
Barne Ministerioak alerta maila mantentzea erabaki du
Alerta laugarren mailan mantentzea erabaki du Barne Ministerioak, terrorismoaren aurkako borrokaren arduradun nagusiak bildu ondoren.
Adituek proposatuta, mehatxu terrorista aztertzen duen mahaiak erabakia hartu du, CNIko eta segurtasun indarretako Inteligentzia goi-agintarien iritziak entzun ondoren.
Polizia, Guardia Zibil, Terrorismoaren eta Krimenaren kontrako Inteligentzia Zentro (CITCO), CNI, Esquadra Mosso eta Ertzaintzako kideak bileran izan dira.
Laugarren maila 2015eko ekainaren 26az geroztik indarrean dago Espainian. Frantzia, Tunisia, Kuwait eta Somaliako atentatuen ostean arrisku terrorista aztertu zuten adituek.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.