Rajoyren Gobernuak sei ministro berri ditu, tartean Cospedal
Mariano Rajoyren Gobernuak sei ministro berri izango ditu: Maria Dolores de Cospedal PPko idazkari nagusia, Iñigo de la Serna bizkaitarra eta egun Santanderreko alkatea, Juan Ignacio Zoido Sevillako alkate izandakoa, Alvaro Nadal, Dolors Montserrat eta Alfonso Dastis.
Izendapen horien artean, Alfonso Dastisenak eragin du nolabaiteko harridura, gaur arte haren izenik aipatu ez delako. Dastis Espainiaren enbaxadorea izan da Europar Batasunean; Atzerri ministro kargua hartuko du.
Espero bezala, Maria Dolores de Cospedal Espainiako Gobernu berrian izango da eta Defentsa Ministerioa zuzenduko du.
Barne Ministerioaren ardura, berriz, Juan Igancio Zoido Sevillako alkate ohiari eman dio Rajoyk.
Legegintzaldiko aurrekontu handienetakoa izan ohi duen Sustapen Ministerioa Iñigo de la Sernaren esku egongo da. Politikari bilbotarra Santanderreko alkate izan da gaur arte.
Alvaro Nadalek zuzenduko du Energia, Turismo eta Agenda Digitalaren Ministerioa. Orain arte Moncloako 'sukaldean' aritu da lanean, Presidentearen Bulego Ekonomikoaren zuzendari gisa, hain zuzen ere.
Dolors Montserrat Kataluniako Alderdi Popularreko buruzagia Osasun, Gizarte Zerbitzu eta Berdintasun ministroa izango da.
(Ezkerretik eskuinera, eta goitik behera: Mariano Rajoy, Soraya Sáenz de Santamaría, Alfonso Dastis, Rafael Catalá, Iñigo de la Serna, Iñigo Méndez de Vigo, Fátima Báñez, Álvaro Nadal)
De Guindos, Montoro eta Bañez, talde ekonomikoan
Luis de Guindosek Ekonomia eta Lehiakortasun Ministerioa zuzentzen jarraituko du eta Cristobal Montoro berriro izango da Ogasun eta Funtzio Publikoko ministro.
Enplegu eta Gizarte Segurantza Ministerioa Fatima Bañezen ardurapean egongo da beste legegintzaldi batez eta Isabel Garcia Tejerina berriz izango da Nekazaritza, Elikadura eta Ingurumen ministro.
Horrenbestez, Rajoyk Luis de Guindos saritu du, Ekonomia ministerioaz gain, Industria gaiak ere berak kudeatuko dituelako.
Soraya Saenz de Santamariak Gobernuko presidenteorde, Presidentzia ministro eta Lurralde Administrazioetako ministro karguak izango ditu.
Irteerak
Bestalde, Mariano Rajoyren Gobernu berritik kanpo geratu dira Jose Manuel Garcia-Margallo, Jorge Fernandez Diaz eta Pedro Morenes.
Joan den legealdian, Atzerri Ministerioa, Barne Ministerioa eta Defentsa Ministerioa zuzendu zuten, hurrenez hurren.
Rajoyk aurrez aurre eman die bere erabakiaren berri hiru ministro ohiei.
(Ezkerretik eskuinera, eta goitik behera: María Dolores de Cospedal, Cristóbal Montoro, Juan Ignacio Zoido,Isabel García Tejerina, Luis de Guindos, Dolors Montserrat)
Espainiako Gobernu berriaren osaketa:
- Presidentea: Mariano Rajoy Brei
- Presidenteordea, Presidentzia eta Lurralde Administrazioetako ministroa: Soraya Saenz de Santamaria
- Atzerri eta Kooperazio ministroa: Alfonso Dastis Quecedo
- Justizia ministroa: Rafael Catala Polo
- Defentsa ministroa: Maria Dolores de Cospedal Garcia
- Ogasun eta Funtzio Publikoko ministroa: Cristobal Montoro Romero
- Barne ministroa: Juan Ignacio Zoido Alvarez
- Sustapen ministroa: Iñigo de la Serna Hernaiz
- Hezkuntza, Kultura eta Kirol ministroa eta Gobernuaren bozeramailea: Iñigo Méndez de Vigo y Montojo
- Enplegu eta Gizarte Segurantza ministroa: Fatima Bañez Garcia
- Energia, Turimos eta Agenda Digital ministroa: Alvaro Nadal Belda
- Nekazaritza, Arrantza eta Elikadura eta Ingurumen ministroa: Isabel Garcia Tejerina
- Ekonomia, Industria eta Lehiakortasun ministroa: Luis de Gunidos Jurado
- Osasun, Gizarte Zerbitzu eta Berdintasun ministroa: Dolors Montserrat Montserrrat
Zure interesekoa izan daiteke
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.