Jose Miguel Barandiaranen omenaldian izan dira Urkullu eta Barkos
Jose Miguel Barandiaranen heriotzaren 25. urteurreneko ekitaldian Iñigo Urkullu lehendakaria eta Uxue Barkos Nafarroako presidentea izan dira. Bingen Zupiria Kultura eta Hizkuntza Politikako sailburuak ere parte hartu du Ataunen (Gipuzkoa) egin den omenaldian.
Apaizaren omenez egindako ekitaldian erakunde desberdinetako ordezkariek hartu dute parte. Halaber, Barandiaranek ezagutu zituen beste herritar batzuk izan dira bertan eta apaizak Sabin Etxetik egindako ibilbidea errepasatu dute.
Iñigo Urkulluk ziurtatu du Jose Miguel Barandiarani egin dakiokeen omenaldirik onena “iragana hobeto ezagutzeko eta herriarentzat etorkizun hobea eraikitzeko elkarrekin lanean jarraitzea” dela.
Ildo horretatik, Urkulluk nabarmendu du Barandiaran gizon “zintzoa, konprometitua eta positiboa” izan zela, “beti aldarrikatu zuen lana eta, gainera, jarraipena lortzen jakin zuen”, gaineratu du, eta aurrera egiten jarraitzeko balio horiek berreskuratzearen alde agertu da.
Barandiaran Fundazioa
Jose Miguel Barandiaran fundazioa Barandiaranek berak eta Eusko Ikaskuntzak sortu zuten 1988ko ekainean. Patronatu batek agintzen du, eta honako hauen babesa du: Eusko Jaurlaritza, Nafarroako Gobernua, Araba, Bizkaia eta Gipuzkoako foru aldundiak eta Ataungo Udaletxeak.
Fundazioaren helburu nagusia apaizaren bizitza aztertzea da, bere pentsamendua eta zientzia nahiz kulturari egindako ekarpena aztertzea; argitaratu gabeko ekoizpen zientifiko guztia jasotzea, bere obraren argitalpen kritiko zaindua sustatuz, eta hark hasitako ikerketa-lanarekin jarraitzea.
Zure interesekoa izan daiteke
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.