Ernaik eta Aitzinak 'Kalera, kalera' ekimenari babesa erakutsi diote
Ernai eta Aitzina gazte erakundeetako 400 pertsona inguruk euskal preso eta iheslari ohiek abiatutako 'Kalera, kalera' ekimenari babesa erakutsi diote gaur Usurbilen.
Gazteek Usurbilgo frontoian egindako agerraldian salatu dutenez, "gerra estrategia da Euskal Herriaren konponbide nahiari estatuek eman dioten erantzuna".
Ildo horretan, jarrera "inmobilista" izatetik jarrera "oztopatzailea" izatera pasatzea leporatu diete gazteek Espainiako eta Frantziako Gobernuei, eta Altsasuko auzia eta Luhusoko polizia operazioa jarri dituzte horren adibide.
Dena den, gazteek ohartarazi dute ez dela konponbiderik izango "euskal preso eta iheslari politiko guztiak, etxean, kalean borrokan, gurekin izan arte".
Bestalde, EPPK-k abiatutako eztabaidari babesa emateaz gain, urtarrilaren 6an Donostian eta urtarrilaren 14an Bilbon egingo diren manifestazioetan parte hartzeko deia egin dute.
Atxiloaldia luzatu diete Parisen atxilotutako gazteei
Atzo Ernai eta Aitzina taldeetako hainbat kidek protestak egin zituzten Madrilen eta Parisen, espetxeen eskuduntzak dituzten erakundeen egoitzetan, "presoen aurkako salbuespen neurriak salatu eta EPPK babesteko", eta gaur Usurbilen izan dira.
Parisen atxilotutako Aitzinako zazpi gazteei atxiloaldia luzatu diete, Aitzina erakundeak haren Twitter kontuan jakinarazi duenez. Halaber, atzo bezala, elkarretaratzea egingo dute 19:30ean Baionako herriko etxearen aurrean, atxilotuak aska ditzatela eskatzeko.
Bien bitartean, Madrilen protesta egin zuten zortzi gaztea aske gelditu ziren atzo, identifikatuak izan ostean.
ak izan ostean. ak izan ostean.Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.