Nortzuk dira 'bakearen artisauak'?
2016ko abenduaren 17an bost pertsona atxiolotu zituzten Luhuson (Iparralde), eta horien artean Txetx Etcheberry ekintzailea zegoen. Ostiral honetan Frantziako Le Monde egunkariak egindako elkarrizketa batean jakitera eman duenez, ETA erabat armagabeturik egongo da apirilaren 8an. Ildo horretatik, armagabetze prozesua giza zibilaren ordezkariek burutuko dutela ziurtatu du.
Arnaldo Otegi EH Bilduko bozeramaileak ?sinesgarritasun osoa? eman dio albisteari, ?bakearen artisauetako batek? eman baitu horren berri (Txetx Etcheberry).
Abenduan Luhuson atxilotu zituzten bost pertsonei ?bakearen artisauak? ezizenez ezagutzen zaie. Ekintzaile eta sindikalista horiek oso ezagunak dira Iparralden, bakearen aldeko mugimenduetan parte hartu baitute. ETArekin inolako loturarik izan ez arren, bere armagabetzean bitartekaritza lanak egiteko prest agertu ziren, Espainiako eta Frantziako Gobernuen pasibotasunaren aurrean.
Hauek dira ?bakearen artisauak? ezizenez ezagunak diren bost pertsonak:
- Txetx Etcheverry: Demo eta Bizi mugimenduetako kidea. Euskal Herriko Laborantza Ganberako fundatzailea.
- Mixel Berhokoirigoin: Euskal Herriko Laborantza Ganberaren presidente ohia.
- Betatrice Molle: Mediabaskeko kazetaria eta Radio Euskadiko berriemaile ohia. Atxiloketak egin zituzten etxearen jabea da.
- Stephane Etxegarai: Luhusuko bilera grabatzeko prest zegoen freelance kameraria.
- Mixel Bergougnan: Baigorriko mahastizaina.
Halaber, Michel Tubiana Giza Eskubideen Ligako presidentea aipatu beharko litzateke zerrenda horretan. Luhuson izandako bileran egoteko asmoa zuen arren, ez zen bertan izan, eta, ondorioz, ez zuten atxilotu.
Luhuson, armagabetzea irudikatzen ahalegindu zen ETA, baina poliziak bilera hori eragotzi eta etxean zeuden pertsona guztiak atxilotu zituen. Agenteek lehergailuak egiteko materiala, hogeita hamar pistola, bederatzi fusil, lau errebolber, detonagailuak, eta tenporizadoreak eraman zituzten bertatik. Etcheverryren esanetan, ETAren armategi guztiaren % 15 zen.
Antza denez, gainontzeko arma guztiak apirilaren 8an entregatuko dituzte, gizarte zibileko ordezkariek antolatu duten armagabetze egunean. Egun horretatik aurrera, ETA armarik gabeko erakundea izango da.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".