Aginagaldek eta Larretxeak uko egin diote deklaratzeari ANean
Auzitegi Nazionalak Beñat Aginagalde eta Joanes Larretxea ETAko kideak epaituko ditu gaurtik aurrera, 2008an Inaxio Uria enpresaburu gipuzkoarra hiltzea egotzita.
Aginagaldek zein Larretxeak uko egin diote deklaratzeari. "Ez dut deklaratuko. Ez dut inolako deklaraziorik egingo", esan du Aginagaldek. Larretxeak -sei urteko kartzelaldia jaso zuen ETAki kide izateagatik- gauza bera esan du, baina euskaraz.
Fiskaltzak 118 urteko kartzela zigorra eskatu du bientzat, 59koa bakoitzarentzat, hainbat delitu leporatuta: erakunde armatuko kide izatea, legez kanpoko atxiloketa egitea, auto bat lapurtzea, kalte terroristak eta hilketa egitea. Espetxe zigorraz gain, kalte-ordainak eskatu ditu alargunarentzat (160.000 euro) eta biktimaren seme-alabentzat (240.000 euro).
Miguel Angel Carballo fiskalak egindako idatziaren arabera, ETAk "jauzi kualitatiboa egin zuen enpresaburua hiltzea erabakita, abiadura handiko trena eraikitzearen kontrako larderia eta terrore kanpainaren baitan". Inaxio Uria Altuna y Uria enpresako —tren lasterra eraikitzen zuen enpresetako bat— administrazio kontseiluko kidea zen.
Fiskalaren esanetan, Aginagalde eta Larretxea izan ziren lapurtutako auto batean harengana hurbildu eta tiroka hil zutenak.
Aginagalde eta Larretxea 2014an jarri zituen Frantziak Espainiaren esku, bi euroagindu tarteko. Aginagalderi berari 32 urteko kartzela zigorra ezarri zioten Isaias Carrasco Arrasateko zinegotzi sozialista hiltzea egotzita.
Ertzaintzak Aginagalderi egotzi dio hiltzailea izatea
Epaiketaren lehen saioan, krimenaren ikerketa zuzendu zuen ertzainak deklaratu du euskal enpresaburuaren eta Isaias Carrasco PSEko zinegotziaren hiltzailea pertsona bera izan zela, eta Beñat Aginagalderi egotzi die bi hilketak.
Gainera, hilketa ikusi zuen lekuko babestu batek ere deklaratu du: “Abenduaren 3an gidatzen ari nintzen, eta Azpeitiko Loiola etorbideko semaforo batean geldirik nengoela, hiru tiro entzun nituen. Atzera begiratu nuen, eta gezurrezko bizar bat eta eskuan pistola bat zeramatzan pertsona bat ikusi nuen. Arma gorde egin zuen, eta ondoren Alfa Romeo baten aurreko partean sartu zen”.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.