PPk begi onez hartu du EAJk azken orduotan erakutsitako jarrera
Aste erabakigarria izango da 2017ko Estatuko Aurrekontu Orokorrentzat. Izan ere, oposizioak aurkeztutako zazpi osoko zuzenketei aurre egin beharko die Espainiako Gobernuak, EAJrekin negoziatzen jarraitzeaz gain.
Cristobal Montoro Ogasun eta Funtzio Publikorako ministroak tramitea burutzea espero du, Ciudadanos, CC, UPN eta Foro Asturias alderdien babesarekin. Hala, aurrekontu proposamenak 175 boto lortu eta zuzenketak bertan behera geratuko lirateke.
PSOE, Unidos Podemos-En Comú Podem-En Marea, ERC, Compromis, EH Bildu eta Nueva Canarias alderdiek osoko zuzenketak aurkeztu dituzte; EAJk, ordea, ez.
Aitor Esteban Kongresuko bozeramaile jeltzaleak adierazi duenez, Mariano Rajoyk zuzenean hartu du parte negoziazioetan; hori dela eta, hainbat gai garrantzitsu desblokeatu ahal izan dituzte, nahiz eta azken unera arte negoziatzen jarraituko dutela berretsi.
Osoko zuzenketak
Oraingoz, Ogasun ministroak asteazkenean eta ostegunean zazpi alderdi politikok aurrekontuen aurka emandako argudioak entzun beharko ditu. Gizarte gastuak gutxituta, desberdintasuna areagotuko dela salatu du oposizioak. Halaber, pentsiodunek eta langile publikoek erosteko ahalmen gutxiago izango dutela kritikatu du.
Gainera, aurreikusitako diru sarrerak gehiegi balioetsi dituztela esan dute oposizioko alderdiek. Bestalde, PDeCATeko nazionalista kataluniarrek eta ERCko errepublikarrek autonomia erkidegoak eta udaletxeak itotzen ari direla nabarmendu dute.
Antonio Hernando PSOEren bozeramaileak sozialistek aurkeztutako osoko zuzenketa defendatzea espero dute, gizarte estatua minimoa izango dela eta desberdintasuna areagotuko dela argudiatuta.
Podemosen osoko zuzenketa Pablo Iglesiasek defendatuko du Kongresuko bilkuran. Alderdi moreak aurrekontu alternatiboa aurkeztu du. Horren arabera, defizit publikoa Barne Produktu Gordinaren % 3,7 izango litzateke eta 19.500 milioi euroko gastu publikoa egingo lukete.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.