Joseba Vizan atxilotu dute Brasilen
Sortu alderdiak ohar baten bidez jakitera eman duenaren arabera, joan zen ostiralean Joseba Vizan Gonzalez basauriarra atxilotu zuten Brasilen, "asilo eskaria errefusatu" eta "bere kontrako estradizio prozedura" berriro martxan jarri ondoren.
Hartara, bere aurkako estradizio prozesua abian jarri dela jakinarazi diote; alabaina, bere abokatuek tramiteak hasi dituzte aske utz dezaten eskatzeko.
Rodrigo Janot Brasilgo fiskal nagusiak behin behinean espetxeratzeko eskatu zuen apirilaren 20an. Auzitegi Nagusi Federalera igorritako idazkian, Janotek Vivan Gonzalez Espainiaratzea eta, horretarako, bilatzeko eta atxilotzeko agindua "berehala" ematea eskatu zuen, Interpolen bidez.
Sorturen esanetan, "Madrilen mendeku-gose ase ezinak Brasileraino jazarri du Joseba, argi utziz Espainiako erresumaren itsukeria erabatekoa dela. Aipatu oharrean gaineratu duenez, "honelako neurriek ezer gutxi laguntzen dute bake eta bizikidetza agertoki berri batera hurbiltzen".
Horrez gain, Sorturen aburuz, apirilaren 8ko ETAren armagabetzea eta gero, "presoen kaleratzearen gaia jarri behar da mahai gainean, lehentasunez preso gaixoen gaia".
Brasilgo Poliziak aurretik 2013an atxilotu zuen Vizan Rio de Janeiron; aitzitik, abokatuek egindako zenbait izapideren ostean, aske geratu zen.
"Berehala libre" uzteko eskatu dute
Amnistiaren aldeko eta Errepresioaren kontrako taldeak Vizan "berehala libre" uzteko eskatu du.
Prentsa-ohar batean salatu duenez, "kapitalismoak munduan agintzen duen honetan, estatu gehienak errepresio bortitzarekin lerratzen dira"; hori dela eta, Vizanen atxiloketa "estatuen arteko lankidetza baino gehiago, merkatuen diktadurapean bizi den munduaren zapalkuntza politikaren ondorio gisa ulertu behar dugu".
"Euskal errepresaliatu politikoen jazarpena amaitzeko bide bakarra erabateko amnistia" dela azpimarratu ostean, Amnistiaren aldeko eta Errepresioaren kontrako taldeak adierazi du "amnistia heldu bitartean, errepresaliatuak munduko edozein tokitan babesteko aliantzak" ezin direla "kapitalismoa egonkortzeko lan egiten duen nazioarteko komunitate deiturikoarekin egin, baizik eta eragile iraultzaileekin, sistema kapitalista suntsitzea helburu dutenekin".
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.