Puigdemontek adostutako erreferenduma eskainiko dio Rajoyri Madrilen
Carles Puigdemont Kataluniako presidenteak adostutako erreferenduma eskainiko dio Mariano Rajoy Espainiako gobernuburuari maiatzaren 22an, Madrilgo Udalarena den areto batean. Rajoyk behin eta berriz egin dio uko eskaintzari, erreferenduma legez kanpokoa dela argudiatuta.
Rajoyk eta Puigdemontek adeitasunez eman dute bostekoa gaur, Bartzelonako Automobilaren Biltzarraren inaugurazioan, urtarrileko bilera isilaren ostean lehenengo aldiz, eta Rajoyk "deskonexiorako eta isolamendurako tentazioa saihesteko" deia egin du.
Ekitaldi horren ondoren zabaldu denez, Madrilgo Udalak Cibeles Jauregiko Musika Aretoa alokatu dio Puigdemonti Estatuari itundutako erreferenduma eskaintzeko ekitaldia egin dezan.
Ekitaldi horretan izango dira, era berean, Oriol Junqueras Kataluniako presidenteordea eta Raul Romeva Atzerri Gaietarako kontseilaria.
Puigdemonten ekitaldiaren izenburua "Erreferenduma Kataluniarentzat. Akordio demokratikorako gonbidapena" izango da, Governeko iturrietatik jakinarazi dutenez, eta politikariak, erakunde ekonomikoak, enpresariak eta eragile sozialak ere egongo dira bertan.
Puigdemontek atzo bertan aurreratu zuen "azken saiakera bat" egingo zuela datozen asteetan Rajoyrekin erreferenduma adosteko.
Bestalde, Jose Luis Martinez-Almeida PPren Madrilgo Udaleko bozeramaileak gogor kritikatu du Manuela Carmena alkatea, Puigdemonten ekitaldia Udalarena den areto batean egiten utziko duelako.
Zure interesekoa izan daiteke
Sanchezek erantzunak eta neurriak eskatu dizkio Marokori, Ceutan muga-kontrolak huts egin zuelako
"Gogoak batzeko" deia egin du Sarek presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
