Talde guztiak, PP salbu, Ibon Iparragirre aske uztearen alde
Eusko Legebiltzarreko talde guztiak, PP salbu, larri gaixo dagoen Ibon Iparragirre euskal presoa aske uztearen alde azaldu dira agiri batean.
EAJk, EH Bilduk, Elkarrekin Podemosek eta PSE-EEk babestu dute dokumentua, baina Alderdi Popularrak sinatu ez duenez, ezin izan du Legebiltzarreko adierazpen instituzional modura aurrera egin.
Alderdi Popularreko iturriek esan dutenez, taldeek ez diete agiria helarazi ere egin. Dena dela, jasota ere, onartuko ez luketela berretsi dute, erabakia epaileei baitagokie.
Julen Arzuaga EH Bilduko legebiltzarkideak PPren jarrera gaitzetsi du: "Onartezina da Alderdi Popularra ezin heltzea gainerako talde guztiok heldu garen adostasun hau babestera. Legalitate eta humanitate ikuspegian egiten den planteamendu honetara ez heltzea onartezina da, nire ikuspegitik".
Arzuagak nabarmendu duenez, PP ez beste alderdiek Iparragirre eta gaixotasun larria duten gainerako presoak aske uztea babestu dute, indarrean dagoen lege eta nazioarteko araudia aintzat hartuta.
Lau taldeek sinatutako testuan diotenez, ez dute nahi gaixo dauden presoak "Espetxe Zuzendaritzaren erantzukizunpean hiltzea". Tankerakoek ez diote bizikidetzari mesederik egiten, "inondik inora", eta "sufrimendua eta atsekabea elikatzen dute".
Ibon Iparragirrek hiesa du, eta ospitalean dago berriki pneumonia atzeman baitiote.
Kongresuan ere, ekimen bateratua
Iparragirreren osasun egoerarekin kezkatuta, ERCk, EAJk, Compromisek eta EH Bilduk antzeko ekimena jarri dute martxan Diputatuen Kongresuan. Juan Ignacio Zoido Barne ministroaren agerraldia eskatu dute taldeok, larri gaixo dagoen presoa askatzeko aukeraz galdetzeko.
Joan Tardak (ERC), Aitor Estebanek (EAJ), Joan Baldovik (Compromis) eta Marian Beitialarrangoitiak (EH Bildu) erregistratu dute eskaera.
Testuan diotenez, Iparragirrek "hiesa du, eta beste eritasunen artean, defentsak oso baxu ditu. Asteon erietxera eraman behar izan dute, pneumoniak jota. Berez ez da gaixotasun larria, baina kasu honetan heriotza eragin dezake".
Egoera horren aurrean azalpenak eskatu nahi dizkiote Zoido ministroari, batez ere "zer egin asmo duen sendabiderik ez duen gaixotasun bat duen preso baten eskubideak bermatzeko". Horrez gain, ERCk, Compromisek eta EH Bilduk ministroari egiteko sei galdera ere erregistratu dituzte.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.