Nafarroako banderaren aldeko manifestazioa egin dute Iruñean
Herritar plataforma batek deitutako, eta UPN, PSN eta PP bezalako alderdiek babestutako, manifestazioa egin dute larunbat arratsalde honetan Iruñean, Nafarroako banderaren alde eta Ikurren Legearen indargabetzearen aurka. Nafarroako Parlamentuak bertan behera utzi du lege hori eta, horrenbestez, Nafarroako udaletxeetan ikurrina jartzea zigortzen zuen debekua indargabetuta geratu da.
Antolatzaileen aburuz, 22.000-25.000 lagun inguru bildu dira Iruñeko kaleetan; Iruñeko Udaltzaingoaren ustez, ordea, 15.000 inguru. Martxaren buruan Nafarroako bandera erraldoi bat izan dute, eta "Gurea defenda dezagun" lelopean manifestatu dira.
Ibilbidea Nafarroako Parlamentuan hasi eta Nafarroako Gobernuaren egoitzaren aurrean amaitu dute. Parte-hartzaileek Nafarroako eta Espainiako banderak eraman dituzte, eta hainbat oihu izan dira entzungai: "Nafarroa osoa eta bandera bakarra", "Barkos, dimititu ezazu, Nafarroak ez zaitu onartzen", "gure bandera nahi dugu, ez kanpokorik", "ez gaituzte engainatuko, Nafarroa Espainia da", "ikurrina, errietarako arrazoia".
Manifestazioa deitu duten herritarrek eta kolektiboek pankarta nagusia eraman dute, eta horien atzetik UPN, PSN eta PP alderdietako kideak jarri dira.
'Milaka nafarren aldarria'
Jai-giroan egin dute manifestazioa. Horren bukaeran, adierazpena irakurri dute, eta euren banderaren alde "milaka nafarrek egindako aldarria" entzuteko eskatu diote Uxue Barkos Nafarroako Gobernuko presidenteari.
"Utz dezagun Nafarroako bandera dagoen lekuan, gure herriaren batasunaren eta aniztasunaren ikur gisa", adierazi dute. Gainera, "batasuna eta adiskidetasunaren aldeko deia" egin diote Nafarroako Gobernuari.
Bestalde, Javier Esparza UPNko presidenteak adierazi duenez, Ikur Legea indargabetu izana "Nafarroako banderari egindako iraina da". Dena dela, Nafarroako Gobernuak "hausnarketa egin dezan" espero du. "Mendeetako historia duen bandera daukagu", gaineratu du.
, gaineratu du.Zure interesekoa izan daiteke
Plus Ultra auziko epaileak uste du Zapaterok eta bere ingurukoek 1,9 milioi euroko irabaziak izan zituztela
Espainiako Gobernuko presidente ohia ekainaren 2rako deitu dute Auzitegi Nazionalera, eragimen-trafikoa eta lotutako beste delitu batzuk egotzita.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Zapaterok ziurtatu du “inoiz” ez duela Plus Ultraren aldeko gestiorik egin
Gobernuko presidente ohiak adierazi duenez, bere "jarduera publiko eta pribatu guztia legea erabat errespetatuz egin da beti".
Gobernuak espero du “Justiziak justizia egitea” Zapaterorekin, eta haren ondarea defendatu du
Gobernuaren bozeramaile Elma Saizek adierazi du pandemian hainbat airelineari emandako maileguek enpresak eta lanpostuak salbatzeko aukera eman zutela.
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzia 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.