Presoen auzia eztabaidatzeko ez da foro berririk behar, Podemosen ustez
Lander Martinez Elkarrekin Podemosek Eusko Legebiltzarrean duen bozeramailearen ustez, ez da behar 'foro berririk' presoen auzia eztabaidatzeko. Horrenbestez, Arnaldo Otegi EH Bilduko koordinatzaile nagusiak egin berri duen proposamena baztertu du, "mahai gainean dagoen eztabaidan ekarpen berririk egingo ez lukeelako".
"Ez dugu uste foro berririk behar denik", esan du Martinezek Radio Euskadiri eskainitako elkarrizketa batean. Indar sindikal, politiko eta sozialek presoen gaiari heltzeko mahai bateratua egin beharko luketela esan zuen Otegik joan den astean.
Presoen egoerari eta bakeari buruzko eztabaida "mahai gainean" dagoela nabarmendu du Martinezek, "Legebiltzarrean zein Legebiltzarretik kanpo". Hala, dauden foroak "egokiak" direla uste du Elkarrekin Podemoseko legebiltzarkideak, eta Bake eta Bizikidetza Lantaldea "oinarri eta abiapuntu bikaina" dela azpimarratu du.
Martinezen ustez, "Otegi jaunak gehiago entzun beharko luke euskal gizarteak dioena: gerturatzeaz, gizarteratzeaz eta salbuespen neurrien amaitzeaz mintzo dira, baita egindako kaltearen aitortzaz ere. Baina ez dira amnistiaz edo presoei egin beharreko omenaldiez ari".
Autogobernu Lantaldea
Legebiltzarrean osatutako beste lantaldeari —Autogobernu Lantaldea— buruz galdetuta, Elkarrekin Podemosen proposamena irailean aurkeztuko dutela iragarri du. Halaber, gizarte zibilari gaiaren inguruan eztabaidatzeko aukera eman beharko litzaiokeela uste du, eta gizarteak bere ekarpenak egiteko "mahai sektorialak" sortzea proposatu du, eztabaidak Ganberaren mugak gaindi ditzan.
Elkarrekin Podemosen bozeramaileak ohartarazi duenez, "alderdi tradizionalak —EAJ, PSE-EE eta PP— estatutu berri batek ekarri ahal dituen aldaketa aukerak geldiarazten saiatuko dira".
Horren aurrean, Elkarrekin Podemosek honakoa proposatuko du: euskal herritarren artean itun sozial bat lortzea eta Estatuarekin aldebiko harreman bat egikaritu ahal izatea. "Gure eredua ez da Kataluniakoa, aldebikotasuna ez baita bide onena", erantsi du.
Turismoa
Turismo ereduari buruz dagoen eztabaida ere ahotan hartu du Elkarrekin Podemoseko kideak. Azaldu duenez, koalizio morea etxebizitza turistikoen lizentzietan moratoria ezartzearen aldekoa da, udal ordenantzek auziari nola aurre hartu asmatu bitartean.
Martinezen hitzetan, "batez ere" hiriburuetan dago "saturazio turistikoa", eta turistak hartzeko ahalmena duten hiriak eraikitzearen alde egin du.
"Tourist go home" (Turistak joan etxera) tankerako formulak ez direla egokiak, eta turismoa bera ez dela "Jaurlaritzarekin konfrontazioa sortzeko" tresna egokiena gaineratu du.
a gaineratu du.Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.