Turismoaren eztabaida 'albo batera uzteko' deia egin du Tapiak
Turismoaren auzian "errespetuz eta tentuz" jokatzeko deia egin du gaur Arantxa Tapia Eusko Jaurlaritzako Ekonomiaren Garapen eta Azpiegitura sailburuak. Horren ustez, "eztabaida albo batera utzi eta gauzak ondo egiten jarraitu behar dugu".
Euskadi Irratiari eskainitako elkarrizketa batean azpimarratu duenez, Euskadi "beti izan da oso herri irekia", eta irudi hori desitxuratu nahi izatea egotzi dio Ernairi, ezker abertzalearen gazte antolakundeari.
EAEko erakundeek sustatutako turismo ereduaren kontra Ernaik abiatutako kanpaina (manifestazioak eta elkarretaratzeak deitu ditu eta pintadak egin) ahotan hartu du gaurkoan Tapiak. Atzo bertan, Basquetourrek Bilbon duen egoitzan egin zituzten pintadak Ernaiko kideek.
Tapiaren aburuz, Ernairen "eraso" hauek "txarrak" dira. "Herri bezala ez du ordezkatzen hemen gertatzen dena. Nik uste dut gure hiriburuak, gure jendeak, orokorrean, pozik daudela kanpoko jendea etortzen delako bisita egitera, gure hizkuntza, gure kultura eta gastronomia ezagutzera. Gu ezagutzera dator jendea", nabarmendu du.
Ildo horretan, turismo ereduaren inguruko eztabaida "albo batera uzteko eta gauzak ondo egiten jarraitzeko" deia egin du. Sailburuak gogorarazi duenez, turismoa industriarekin eta ekonomia jarduerarekin lotuta dago, izan ere, "jende asko" kongresuetara etortzen da, eta "euren familiekin bueltatzen da" gero.
Tapiak uste du Ernai gauzak "nahasten" ari dela. "Eurek azaldu behar dute zergatik ari diren horrela, eta zergatik une honetan", erantsi du. "Gure herrian hainbat eta hainbat pertsona ari dira turismoaren inguruan lanean, ondo lanean: prestatzen, hobetzen, profesionalizatzen, kalitatea bermatzen eta lanpostuak sortzen. Eta horiei errespetua zor diegu gutxienez", gaineratu du.
Arnaldo Otegi EH Bilduko koordinatzailearen adierazpenei buruz galdetu diotenean (erasoak dinamika egokiak ez zirela esan zuen), Tapiak esan du ezker abertzaleak eta Ernaik azaldu beharko dutela "turismoaren aferan non dauden".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.