Kataluniak jarritako helegitea atzera botako du gaur Konstituzionalak
Urriaren 1ean Katalunian egin nahi duten erreferendumerako legea lehenbailehen onartu ahal izateko Kataluniako Parlamentuak egindako araudi aldaketa baliogabetu ostean, Kataluniak jarritako helegitea atzera botako du gaur, asteazkena, Auzitegi Konstituzionalak.
Zehazki, 17:30ean egingo dute osoko bilkura. Kataluniako Parlamentuak erreferendumaren tramitazioa azkar onartzeko legea aldatu ostean, Espainiako Gobernuak helegitea jarri zuen, eta Konstituzionalak baliogabe utzi zuen araudi aldaketa hori. 2014ko azaroaren 9ko galdeketari begira emandako beste epai batean jurisprudentzia ezarri zela arrazoituta.
Orduan, helegite bakoitzeko probidentzia bat plazaratu zuen Konstituzionalak, arazoaren mamia aztertu gabe helegiteak onartzeko baldintzak betetzen zirela egiaztatzera mugatu zela azpimarratuz.
Joan den uztailaren 31n, Auzitegi Konstituzionalaren osoko bilkurak bertan behera utzi du urriaren 1eko erreferenduma prozesu azkar baten bidez onartzeko xedearekin Kataluniako Parlamentuak egindako arau aldaketa, Mariano Rajoyren Gobernuak horren kontrako helegitea aurkeztu ondoren.
Gainera, Parlamentuko Mahaia osatzen duten kideak ohartarazi zituen, eta agindua betetzen ez badute izan ditzaketen balizko erantzukizunen berri eman zien, espetxe-zigorrak barne. Lau egun geroago, abuztuaren 3an, Generalitateak erregu errekurtsoa aurkeztu zuen Auzitegi Konstituzionalean, Espainiako Gobernuak "zuzenbide abusua" egin zuela iritzita.
Auzitegi Konstituzionalaren osoko bilkurak Kataluniaren inguruan hartzen duen erabakiak eta Kataluniako Parlamentuko Mahaiaren plenoaren ohiko lehen bilerak bat egingo dute bihar. Dena dela, eguneko gai-zerrendan ez da ageri Erreferendum Legea tramitatzeko aipamenik, aurreikusita zegoen bezala.
Carme Forcadell Kataluniako Parlamentuko presidenteak 10:00etarako deitu ditu Parlamentuko Mahaia osatzen duten kideak. Alabaina, osoko bilkuran ez dute urriaren 1ean Katalunian egin nahi duten erreferendumerako legearen inguruan hitz egingo.
Bihar arratsaldean Ministroen Kontseiluak ezohiko bilera egingo du Bartzelonako El Prat aireportuko langileen egoera aztertzeko.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.