Parlamentuaren araudi aldaketa Konstituzionalera eramango du Espainiak
Auzitegi Konstituzionalean Kataluniako Parlamentuak onartutako araudi aldaketaren aurka helegitea aurkeztea adostu du Espainiako Gobernuak.
Ministro Kontseiluaren ondorengo prentsaurrekoan egin du iragarpena Mariano Rajoy presidenteak. Rajoyren esanetan, araudi horren bidez independentistek "indarrez" inposatu nahi dute "muturrekoa eta zatitzailea den" euren proiektua.
Aipatu Ministro Kontseiluak Estatu Kontseiluaren txostena aztertu du, zeinak konstituzio-kontrakotasuneko errekurtsoari abala ematen dion; izan ere, ulertzen du Kataluniako parlamentuaren araudi berriak urratu egiten duela Konstituzioaren 23.2 artikuluan jasotzen dena, hau da, parte-hartze politikoa berdintasunezko baldintzetan egikaritzeko eskubidea.
Auzitegi Konstituzionalak helegitea izapidetzea onartuko balu, araudiaren aldaketa geldiaraztea ekarriko luke. Araudi horrek deskonexiorako legeak egun bakarrean onartzea ahalbidetzen du.
Rajoyren esanetan, helegite horrekin Espainiako Gobernuak legea betearazteko duen bere obligazioa betetzen du, eta, era berean, Kataluniako instituzio autonomikoa eta bertako funtzionarioak defendatzen ditu "ezin baitira erabili zuzenbidearen zeharo aurkakoa den egintza baten zerbitzura.
Bere hitzetan, Kataluniako Parlamentuaren araudiaren aldaketaren asmoa da premiaz eta "oinarrizko inongo bermerik gabe" Espainiako Konstituzioa eta Autonomia Estatua "amaitutzat jotzea", eta, horrenbestez, uste du parte-hartze politikorako eskubidea urratua gerta daitekeela.
Gogoratu duenez, atzo bertan bere asmoak bertan behera utz ditzala eskatu zion Kataluniako patronalak Generalitateari eta Parlamentuko legelari nagusia ere asmo horien kontra azaldu dela. Bere iritziz, horrek adierazten du Kataluniako gizartea oso "plurala" dela eta jarrera "oso moderatua" duela.
Hori dela eta, Kataluniako gizarteak "muturrekoa eta zatitzailea den proiektu batetik babestuko duen norbait" behar duela gaineratu du.
"Urriaren 1ean ez da galdeketarik egingo", ohartarazi du Rajoyk, "Auzitegi Konstituzionalak garbi esan duelako hura egitea Konstituzioaren aurkakoa dela, eta, beraz, legearen aurkakoa".
"Berebiziko akatsa"
Josu Erkoreka Eusko Jaurlaritzako bozeramaileak "erabateko desadostasuna" agertu du PPren Gobernuak Kataluniarekiko duen jarduteko moduarekin, eta "berebiziko akatsa" dela uste du. Horrez gain, baztertu egin du "mekanismo traumatikorik" erabiltzeko aukera, besteak beste, autonomia bertan behera uztea edota Kataluniako kargu politiko subiranistak "sistematikoki ezgaitzea".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.