PPk jihadismoaren aurkako ituna sinatzera deitu die Podemos, ERC eta EAJri
Juan Ignacio Zoido Barne ministroak hauxe eskatu die alderdi politikoei: euren arteko desadostasunak alde batera uzteko, xede izanik 'ahots bakar bat' erakustea terrorismo jihadistaren aurka. Horretarako, jihadismoaren aurkako ituna sinatzera deitu die Unidos Podemos EAJ, ERC eta PDeCATi, alegia, orain arte begirale gisa dauden alderdiei.
Gure arteko desadostunak alde batera uztea, terrorismoaren aurka, eraginkorrak izateko modurik onena da’, esan du Zoidok, jihadismoaren aurkako Itunaren ostean emandako prentsaurrekoan; bertan, Parlamentuan dauden alderdi guztiak izan dira, EH Bildu izan ezik.
Ministroaren iritziz, alderdi guztiak daude ados; izan ere, gaitzetsi eta arbuiatzen dituzte ekintza terroristak: 'Denok erantzuten dugu batasunetik eta sendotasunetik', gehitu du, 'bertan gaudenok, parte-hartzaileok aldarrikatzen dugu konpromiso bateratua dugula, terrorismoaren kontrako borrokan, Eskubide Estatuaren indar guztiekin eta terroristen ankerkerien aurrean'.
Hortaz, uste du 'oso positiboa' litzatekeela alderdi guztiek sinatzea terrorismoaren aurkako ituna, orain arte egin ez dutenek ere; batez ere, ondorengo alderdie egin die aipamena: Unidos Podemosi, PDeCATi, EAJri eta ERCri.
Gainera, eta 'ahots bakar' hori 'ozen eta sendo' entzun dadin, Zoidok gonbidatu ditu alderdi guztiak larunbatean egingo duten manifestaziora; Bartzelonan egingo dute, 'No tenim por/No tenemos miedo' (ez gara beldur) lemapean; Bartzelona eta Cambrilseko atentatuak gaitzesteko asmoz egingo dute. 'Denok eman behar dugu maila; Espainia herrialde handia da, eta handiagoak ere izango gara, baldin eta denok bagaude lotuta, persona bakar bat bagina bezala', nabarmendu du.
Generalitatearekin lankidetza
Bestalde, prentsaurrekoan azaldu du administrazioen arteko lankidetza 'naturala eta etengabekoa' izan dela, bai maila politikoan baita maila teknikoan ere. Zoidok esan du ‘beti’ izan direla Polizia Nazionala eta Guardia Zibila ordezkatuta Generalitearen aginte-kuartelean.
Bileran, Barne ministroak jakitera emab du terrorismoaren aurkako alertak 4. mailan jarraituko duela; izan ere, segurtasun-indarren teknikariek aho batez babestu dute erabaki hori. Gainera, Jose Antonio Nieto Segurtasun Idazkariak polizia-ikerketaren gaineko informazioa eman du.
Une honetan, Younes Abouyaaqoub da guztien helburu nagusia; bera da Rambletan egindako harrapaketaren ustezko egilea. Zoidoren iritziz, hura atxilotzea da lehentasuna.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.