Jaurlaritzak drogak saihesteko politiken lehentasunak zehaztu ditu
Eusko Jaurlaritzak adingabeei eta kolektibo ahulenei emango die lehentasuna droga eta alkohol kontsumoari aurre egiteko kanpainetan.
Horrela esan du gaur Iñigo Urkullu lehendakariak, Bilbon mendekotasun-arazoei aurre egiteko politika publikoak aztertzeko egindako jardunaldian. Bertan, Islandiako eta Euskadiko mendekotasunetan adituak diren profesionalak bildu dira, arazo horiei nola ekin elkarrekin hausnartzeko.
Urkulluk gogoratu duenez, 1988an onartu zuen Euskadik droga mendekotasunen inguruko lehen legea. Ordutik hona mendekotasun-arazoei aurre egiteko hainbat plan jarri ditu martxan Jaurlaritzak; azkena, udara honetan bertan. Miren Dorronsoro Osasun Publiko eta Adikzioetako zuzendariak azaldu duenez, mila profesional baino gehiago prestatuko dituzte adikzio arazoei aurre egiteko.
Hori horrela, Islandian nerabeetan substantzien kontsumoa prebenitzeko ereduaren ezaugarriak eta xehetasunak azaldu ditu Jon Sigfusson Ikerketa eta Analisi Sozialerako Islandiako Zentroko zuzendariak eta Youth in Iceland (Gazteria Islandian) programaren arduradunak; izan ere, aurrerapen bikainak izan dituzte Islandian azken urteotan.
Ildo horretan, Euskadin tabakismoak behera egin duela, baina alkoholaren kontsumoa, batez ere gazteen artean, oraindik kezkagarria dela azaldu dute jardunaldian.
Islandian, berriz, 14 eta 16 urte arteko nerabeen % 5ek baino ez zuten alkohola edan azken hilabetean; % 3k esan zuten tabakoa egunero erretzen zutela, eta % 7k haxixa hartu zuten gutxienez behin azken hilabetean.
Jon Sigfussonen hitzetan, ez da nahikoa drogen alde txarrak haurrei soilik azaltzea, gurasoen inplikazioa beharrezkoa baita, eta eskolaz kanpoko ekintzak eskaintzea erabatekoa da. Umeekin denbora gehiago ematea eta eskola-orduetatik kanpo kirola, musika edo teatro jarduerak prestatzea gomendatu du Sigfussonek.
Islandiak eskolaz kanpoko jarduerak bultzatzeko diru gehiago bideratu zuen: besteak beste, futbol zelai estali gehiago egin zituzten, eta horrek, islandiar futbolaren arrakasta ere areagotu du, lehendabizikoz Munduko txapelketarako sailkatu baita Islandia.
Halaber, 2002an, 12 urtetik beherako haurrei zortzietatik aurrera, eta 13 eta 16 urte arteko nerabeei hamarretatik aurrera, kalean bakarrik ibiltzeko debekua ezarri zieten. Udan, berriz, kalean bakarrik ibiltzeko "baimena" gauerdira arte luzatzen dute.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.