Nazioarteak bizkarra eman dio Kataluniaren independentziari
Nazioarteak oraingoz ez du Kataluniaren independentzia aitortzen, eta herrialde eta erakunde gehienak Espainiako Gobernuaren neurrien alde agertzen dira.
Donald Tusk Europako Kontseiluaren presidenteak ohartarazi du "ezer ez" dela aldatzen Europako Batasunarentzat eta Espainia dela "solaskide bakarra".
Zentzu beren, Jean-Claude Juncker Europako Batzordearen presidenteak Espainiako Gobernuaren erabakiak "errespetatzen" ditu: "Espainiako Estatuko prozesua da eta Gobernuaren erabaki guztiak errespetatzen ditut".
NATOk azpimarratu du "Espainiako Konstituzioaren barruan" konpondu beharreko arazoa dela, Espainia Aliantzaren kide den heinean. "Kataluniaren gaia barne gaia da eta Espainiako Konstituzio ordenaren barruan konpondu beharko litzateke", adierazi dute NATOko iturriek.
Antonio Guterres Nazio Batuen Erakundearen (NBE) idazkari nagusiak ere irtenbideak "Espainiako Konstituzioaren barruan bilatzeko" deia egin du.
Bestalde, Angel Gurria Ekonomia-Lankidetza eta Garapenerako Erakundearen buruak Espainiaren batasuna eta bertako legea eta Konstituzioa defendatu beharra aldarrikatu du.
AEBren Estatu Departamentuak ere egin ditu adierazpenak eta berretsi du "Katalunia Espainiaren parte" dela eta AEBko Gobernuak Espainiaren "batasuna eta indarra" mantentzeko Rajoyren Gobernuak hartu dituen neurriak babesten dituela.
Erresuma Batuko Gobernuak esan du ez duela aitortzen eta ez duela aitortuko independentzia aldarrikapena. "Legearen inperioa nola nagusitzen den, Espainiako Konstituzioa errespetatzen dela eta Espainiaren batasunari eusten zaiola ikusten jarraitu nahi dugu", adierazi du Theresa May lehen ministroaren bozeramaile batek.
Hala ere, Eskoziatik, bertako Gobernuak esan du "ulertzen" eta "errespetatzen" duela independentzia aldarrikapena, elkarrizketa abian jartzeko ahaleginei Espainiako Gobernuak muzin egin dielako "behin eta berriz".
Alemaniako Gobernuak esan du ez duela independentzia aitortzen, eta Espainiako Gobernuaren neurriak babesten dituela "Espainiaren lurralde osotasuna mantentzeko".
Italiak "ez du aitortu eta ez du aitortuko" Kataluniaren independentzia aldarrikapena, Angelino Alfano bertako Atzerri ministroaren esanetan, eta "oso keinu larri"tzat jo du Parlamentaren erabakia.
Emmanuel Macron Frantziako presidenteak esan du Espainiako Gobernua dela bere "solaskide bakarra", eta azpimarratu du Estatuko "barne arazoa" dela Katalunian gertatzen ari dena.
Bestalde, Charles Michel Belgikako Barne ministroak berretsi du elkarrizketa dela bidea, Espainiako eta nazioarteko legearen barruan. "Irtenbide baketsua eskatzen dugu, ordena nazionala eta nazioartekoa errespetatuz beti ere", adierazi du Michelek Twitterren.
Independentzia aldarrikapena txalotu dutenen artean Gerry Adams Sinn Fein irlandarraren burua dago, "Estatua" sortzeko bidean pauso historikoa delako.
Portugaldik, Antonio Costa lehen ministroak Espainiako Estatuaren batasuna babestu eta Konstituzioaren barruko elkarrizketaren bidea goraipatu du.
Atzerri Ministerio espainiarraren bideoa
Bien bitartean, nazioarteari begira, Espainiako Atzerri Gaietarako Ministerioak bideoa zabaldu du sare sozialetan Kataluniak Espainiako Estatuaren parte izaten jarraitzen duela berresteko.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.