Junqueras eta beste zazpi kontseilari kargugabetu, espetxera bermerik gabe
Oriol Junqueras Kataluniako presidenteorde kargugabetua eta beste zazpi kontseilari kargugabetu fidantzarik gabe espetxera bidali ditu Carmen Lamela Auzitegi Nazionaleko epaileak. Santi Vila kontseilari kargugabetuari, ostera, 50.000 euroko bermea ezarri dio, kartzela saihesteko.
Horrela, Fiskaltzak eskatutakoa onartu du epaileak. Junqueras eta magistratuaren aurrean azaldu diren beste zortzi kontseilari kargugabetuak kartzelara bidali ditu, ihes egiteko arriskua dagoela argudiatuta.
Junqueras gain, Jordi Turull (Presidentetza), Josep Rull (Lurraldea), Meritxell Borras (Gobernazioa), Raul Romeva (Nazioarteko Gaiak), Carles Mundo (Justizia), Dolors Bassa (Lana), Joaquim Forn (Barne) eta Santi Vila (Enpresa) kontseilari kargugabetuak kartzelara bidali ditu Lamelak. Azkenak fidantza ordaintzeko aukera du.
Ihes egiteko arrisku handia dagoela uste du epaileak. Lamelaren ahotan, “ikertuen erosteko ahalmena ezin da ahaztu, Espainiatik alde egiteko eta atzerrian bizitzeko erraztasuna dute”.
Zentzu horretan, Carles Puigdemont presidentak eta beste lau kontseilari kargugabetuk Belgikara ihes egin dutela gogorarazi du Lamelak. “Ikertuetako batzuk beste herrialde batzuetara joan dira erantzukizun penalak saihesteko”, azaldu du autoan.
Gainera, delitu bat berriz egiteko arrisku handia ikusten du Lamelak; izan ere, “delituak planifikatzen eta kontzienteki aurrera eramaten bi urte baino gehiago eman dituzte” ikertuek, 2015ean Kataluniako independentzia prozesua abiatu zenetik.
“Oso ondo antolatutako taldea”
Lamelaren hitzetan, ikertuak “oso ondo antolatutako pertsona talde baten barruan lan egiten ari ziren, Justiziatik ihes egiten laguntzeko prest zeuden elkarte soberanisten babesarekin”.
Guztiek “paper aktiboa jokatu dute zehatz-mehatz diseinatutako prozesu soberanista bultzatzeko eta muga guztiak gainditzeko”, erantsi du epaileak.
“Ikertuen ekintza pentsatua, prestatua eta antolatua izan da, azken bi urteetan Auzitegi Konstituzionalaren ebazpenak sistematikoki urratuz”, Lamelak azaldu duenez.
Gainera, ikertuek frogak ezkutatzeko, aldatzeko edo suntsitzeko arrisku handia ikusten du epaileak.
Honenbestez, Fiskaltzaren eskakizun guztiak onartu ditu Lamelak, matxinada, sedizioa eta diru publikoak bidegabe erabiltzea egotzita bederatzi ikertu galdekatu ondoren.
Puigdemont eta lau kontseilari kargugabetu atxilotzea eskatu du Fiskaltzak
Bestalde, Carles Puigdemont presidenta eta gaur deklaratzera joan ez diren beste lau kontseilari kargugabetuak atxilotzeko euroagindua emateko eskatu dio Auzitegi Nazionaleko Fiskaltzak Carmen Lamela epaileari.
Honenbestez, Carles Puigdemont eta Antoni Comin (Osasuna), Clara Ponsati (Hezkuntza), Lluis Puig (Kultura) eta Meritxell Serret (Nekazaritza) kontseilari kargugabetuak atxilotzeko eskatu du fiskalak.
Artur Mas. Argazkia: EFE
Kataluniako buruzagi politiko ugari Madrilera joan dira kereilatuei babesa ematera; besteak beste, Artur Mas, Marta Pascal PDeCATeko koordinatzaile nagusia, Marta Rovira ERCko idazkari nagusia eta Albano-Dante Fachin Podemeko idazkari nagusia. Guztira, 50 politikari inguru bildu dira Madrilen kereilatuei babesa emateko. Aipatutakoez gain, Gabriel Rufian eta Joan Tarda ERCko diputatuak eta Unidos Podemoseko Xavier Domenech eta Alberto Garzon ere bildu dira Madrilen. Txalo eta "ez zaudete bakarrik" oihu artean hartu dituzte auzipetuak.
Zure interesekoa izan daiteke
Aragoiko parte-hartzea ia % 11koa da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.