Puigdemont ez da deklaratzera joango, eta orain zer?
Auzitegi Nazionalak ostegunean eta ostiralean deklaratzera deitu ditu Carles Puigdemont eta Espainiako Gobernuak kargugabetutako Generalitateko kontseilariak.
Alabaina, Paul Bekaert bere aholkulariak iragarri du ez dela deklaratzera joango.
Hala bada, oso litekeena da Carme Lamela epaileak Puigdemont eta kontseilari ohiak atxilotzeko euro-agindua ematea.
Estradizioa onartzeko, atxilotuei leporatzen zaizkien delituak Europar Batasuneko delituen zerrendan jasota egon behar dira. Puigdemonti eta kontseilari ohiei egozten dizkieten asaldatze eta sedizio delituak ez dira zerrendan agertzen, baina bai dirua bidegabe erabiltzearena.
Aipatu delituak, baina, zerrenda horretan agertuko ez balira, delitu horiek bere Zigor Kodean idatzita dauden argitu beharko du Belgikako Justiziak, Puigdemont eta bere kontseilariak atxilotu eta Espainiaren esku utzi aurretik.
Hortaz, prozesu judizial bat abiaraziko lukete Belgikan, Auzitegi Nazionalak egindako eskaerarekin zer egin erabakitzeko. Ebazpena eman bitartean, epaileak bi aukera izango ditu: guztiak behin-behinean espetxeratzea edo aske uztea.
Puigdemontek eta kargugabetutako kontseilariek Espainiaratzea onartuko balute, prozedura berehalakoa izango litzateke. Alderantziz bada, Bruselako Kontseilu Ganberak 15 egun izango lituzke erabakia hartzeko.
Ebazpenaren aurka apelazio-helegitea aurkez daiteke, 15 eguneko epean. Azken errekurtsoa Kasazio Auzitegian jarri beharko litzateke eta auzitegi horrek beste 15 egun izango lituzke behin betiko erabakia hartzeko.
Horrez gain, gerta daiteke instrukzio epaileak atxilotze-agindua emateko arrazoiak nahikoak ez direla ondorioztatzea eta Auzitegi Nazionalari informazio osagarria bidal diezaiola eskatzea.
Bestalde, Belgikako Justiziak agindu hori errefusatzeko aukera ere badago, besteak beste, Puigdemonten eta bere kontseilarien Europar Batasuneko Itunean aitortutako oinarrizko eskubideak urratu direla ulertzen badu.
Laburbilduz, Espainiaren esku geratzea onartzen badute, estradizioa 10 egunetan gauzatu beharko da; Auzitegi Nazionalaren aginduan onartzen ez badute, Belgikako Justiziak 60 egun izango ditu erabakia hartzeko, atxiloketaren unetik aurrera zenbatzen hasita.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.