Puigdemont eta lau kontseilari kargugabetu atxilotzea eskatu du Fiskaltzak
Carles Puigdemont presidenta eta gaur deklaratzera joan ez diren beste lau kontseilari kargugabetuak atxilotzeko euroagindua emateko eskatu dio Auzitegi Nazionaleko Fiskaltzak Carmen Lamela epaileari.
Honenbestez, Carles Puigdemont eta Antoni Comin (Osasuna), Clara Ponsati (Hezkuntza), Lluis Puig (Kultura) eta Meritxell Serret (Nekazaritza) kontseilari kargugabetuak atxilotzeko eskatu du fiskalak.
Bostak “nazioartean” bilatu, harrapatu eta atxilotzeko agindua emateko eskatu dio fiskalak epaileari. Belgikako agintariei euroagindua bidaltzeko zehaztu dio Fiskaltzak magistratuari; izan ere, Bruselara joan direla jakina da.
Fiskaltzaren hitzetan, “hitzorduaren berri emateko zitazioa etxean uzten eta telefono deien bidez jakinarazten behin baino gehiagotan saiatu dira, baina entzungor egin dute”, horregatik bost ikertu horiek atxilotzea eskatu du.
Ministerio fiskalak erantsi duenez, Puigdemontek “deklaratzera ez joateko asmoa publikoki azaldu du, eta Antoni Cominek eta Meritxell Serretek egin bezala, bideokonferentzia bidez deklaratzea eskatu du, non dagoen zehaztu barik”.
“Gaur deklaratu behar zutela bazekiten, publikoa eta nabaria zen”, baina bost pertsona hauek “ez dira agertu”, gaineratu du fiskalak. Matxinada, sedizioa eta diru publikoak bidegabe erabiltzea egotzita, beste bederatzi ikertuak Auzitegi Nazionaleko hitzordura joan direla gogorarazi du Fiskaltzak.
“Legea aplikatuko” duela adierazi du Belgikako Fiskaltzak
Ordu batzuk lehenago, Espainiako Justiziak Puigdemont atxilotzeko euroagindua ematen baldin bazuen, “legea aplikatuko” duela esan du Belgikako Fiskaltzak.
“Legea aplikatuko dela bakarrik esan ahal dut, euroagindua jasotzekotan. Ezin dugu adierazpen gehiagorik egin”, azaldu dute Belgikako Fiskaltzaren iturriek.
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".