Forcadell kartzelatik irten da, 150.000 euroko bermea ordainduta
Carme Forcadell Kataluniako Parlamentuko presidentea kartzelatik irten da, ostiral honetako arratsaldeko lehen orduan, 150.000 euroko bermea ordainduta. Auzitegi Goreneko Pablo Llarena epaileak ezarri zion fidantza hori.
Forcadell Audi markako auto batean irten da espetxetik; gidariaz gain, beste bi lagun zihoazen bertan. Eskolta-moduan, gainera, beste auto bat zebilen.Ez du adierazpenik egin kartzelatik atera denean.
Kataluniako Parlamentuko presidentea atzo gauean iritsi zen Alcala Mecora, 23:30 aldera, kolore grisa zuen auto batean, Guardia Zibilaren furgoneta batek lagunduta. Ia hamabost ordu eman ditu espetxean; Alcala Mecon bertan, Dolors Bassa eta Meritxell Borras kargugabetutako kontseilariak daude.
Pablo Llarena epaileak Forcadell aske uztea agintzeko eman duen autoak dakarrenez, ANC Kataluniako Aanblada Nazionaleko diruzainak egokitu du bermea; atzo, plataforma independentista horrek esan zuen bere "erresistentzia-kutxak" egingo ziela aurre Kataluniako Parlamentuko kideek eman behar zituzten bermeei. Matxinadagatik, sediziogatik eta dirua bidegabe erabiltzeagatik deklaratu behar izan dute.
ANCk (Forcadell berak ere zuzendu zuen, bere garaian) deia egin du "elkartasun kutxan" funtsak sartzeko; Omnium Culturalekin batera bultzatu du kutxa hori, xede izanik "Estatuaren erasoei" aurre egitea. Kartzelatik irtenda, eta epailearen aginduz, Forcadell astero joan beharko da epai-egoitzan, eta ezin izango da Espainiatik irten.
Llarenak, halaber, agindu dio Gorenean azaltzea deia jasotzen duen bakoitzean; ohartarazi dio kartzelara joango dela neurri horiek ez baditu betetzen.
'Kontzientzia, lasai'
Kartzelatik atera orduko, Forcadellek Twitter bidez esan du "kontzientzia lasai" duela, hartutako erabakiak "zuzenak" izan direlako: "Parlamentuan, herri subiranotasunaren egoitzan, adierazpen askatasuna bermatzea", idatzi du.
Beste txio batean, berriz, espetxean dauden kontseilariak izan ditu gogoan. "Ez zaituztegu ahaztuko, libre nahi zaituztegu, etxean, zuen familiekin. Zuekin gaude", gehitu du.
Azken orduotan jasotako elkartasuna ere eskertu du Forcadellek. "Zuen babesak eta elkartasunak gogorrago, askeago eta duinago egiten gaitu", txiokatu du.
Abokatua goizean goiz joan da Auzitegira
Andreu Van Den Eynde Forcadellen abokatua goizean goiz, 08:30ean, joan da Auzitegira 150.000 euroko fidantza ordaintzeko izapideak abiatzera. Bi ordu eman ditu han, eta kazetarien galderei erantzun gabe irten da.
Defentsako prokuradorea Gorenean geratu da, prozesuaren nondik norakoak zaintzen.
Gorenak bermea ordaindu dutela egiaztatuta, Llarena epaileak Forcadell aske uzteko agindua eman du eguerdian. Agindu hori Espetxe Zuzendaritzan jasotzen dutenean geratuko da libre Parlamentuko presidentea.
Lluis Maria Corominas, Lluis Guino eta Ramona Barrufet (PDeCAT) eta Anna Simo (ERC) Mahaiko kideak aske geratu dira bart, 25.000 euroko bermea ordainduta. Joan Josep Nuet (CSQP) ere libre geratu da, baina epaileak ez dio fidantzarik eskatu.
Elkarretaratze isila Parlamentuan
Forcadelli eta Mahaiko kideei babesa emateko, Kataluniako Parlamentuko sail ezberdinetako 100 bat langilek elkarretaratze isila egin dute gaur ganberako eskaileratan.
'Libertad presos politicos' (preso politikoak aske) eta 'Democracia' (demokrazia) zioten kartelak eskuan, ordu-erdiz egon dira bilduta beharginak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.