Lamelak baztertu du aske uztea kartzelan dauden kargugabetutako kontseilariak
Carmen Lamela Auzitegi Nazionaleko epaileak erabaki du ez dituela aske utziko kartzelan dauden kargugabetutako kontseilariak, alegia, Oriol Junqueras kargugabetutako presidente ohia eta gainerako zazpiak. Zazpi egun daramatzate kartzelan, matxinadagatik, sedizioagatik eta dirua bidegabe ez erabiltzeagatik.
Lamelak, iturri juridikoek Eferi baieztatu diotenez, Governeko kontseilari ohiek aurkeztutako helegiteak baztertu ditu. Kartzelara bidali zituen zortziak irizten ziolako arriskua zegoela horiek ihes egiteko, delituan jarraitzeko eta frogak ezkutatzeko.
Erabakia zabalduta, kargugabetutako kontseilarien defentsek aukera dute apelazio-helegiteak jartzeko, Auzitegi Nazionalean; ANk, hain zuzen ere, erabaki berri du ez dituela aske utziko Jordi Sanchez eta Jordi Cuixart, alegia, ANC eta Omnium elkarte independentisten presidenteak.
Junquerasen eta kargugabetutako kontseilarien helegiteak azaroan 2an kartzelara sartu ondoren aurkeztu dituzte.
Junquerasek alegatu zuen kartzelak politikan parte hartzeko haren eskubidea urratzen duela
Hain zuzen ere, Kataluniako presidente ohi kargugabetuak alegatu zuen kartzelak politikan parte hartzeko haren eskubidea urratzen duela; halaber, gogorarazi du Governek ez diola inolako jarduera exekutiborik heldu, kargugabetzea indarrean sartu zenetik.
Andreu Van den Eynde Junquerasen abokatuak (Carme Forcadellen abokatua ere bada, Auzitegi Gorenean, ERCko Raul Romeva, Carles Mundo eta Dolors Bassa kargugabetutako kontseilarien espetxeratzearen aurkako helegitea jarri zuen. Lamelaren argudioen aurka egin zuen idazkian.
"Sekula ere ikusi gabea eta neurrigabea"
PDeCATeko kontseilari kargugabetu Jordi Turullek, Josep Rullek, Meritxell Borrasek eta Joaquin Fornek ere jarri zuten helegitea kartzelatzearen aurka. Euren abokatuaren esanetan, baldintzarik gabeko espetxeratzea "sekula ere ikusi gabekoa eta neurrigabea da".
Van den Eyndek, halaber, helegitea aurkeztu zuen epailearen erabakiaren aurrean, alegia, Fiskaltzaren kereila tramitera onartzeko erabakiaren aurrean. Beste helegite bat ere aurkeztu zuen, Fiskaltzak 6,2 milioi euroko fidantza eskatzeagatik; izan ere, abokatuak uste du ez duela funtsik pentsatzeak diru hori erabili zutela urriaren 1eko erreferendumean.
Santi Vilak, bere aldetik, (bera da kartzelan ez dagoen kargugabetutako kontseilaria; Lamelak ezarritako 50.000 euroko fidantza ordaindu zuen), bi helegite aurkeztu zituen, xede izanik epaileak atzera egitea eta berari dagokion kausa artxibatzea.
Vilak Kataluniaren independentzia-aldarrikapena egin baino egun bat lehenago eman zuen dimisioa; aurpegiratzen dio epaileari gau bat eman behar izan zuela kartzelan ez zuelako astirik izan fidantza ordaintzeko.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.