Gaur hasiko dituzte Ibon Iparragirre Aita Mennira eramateko tramiteak
Etxeratek ostiralean jakitera eman zuenez, Ibon Iparragirre preso ondarrutarra Arrasateko Aita Menni zentrora eramateko agindua eman du espetxeetako zaintza epaileak.
Iparragirreren familiak EiTBri larunbat honetan baieztatu dionez, Ondarroako presoa Aita Menni erietxea eramateko tramiteak astearte honetan hasiko dira, ziurrenik. Familiak ez du "begionez" ikusten epailearen erabakia, ospitalera batera eramango duten arren, Iparragirrek preso jarraituko duelako, eta bigarren graduan, gainera.
Senideek esan dute helegitea jartzeko aukera egon badagoela, baina horrek atzeratu egingo luke Iparragirre erietxera eramatea, eta hil ala biziko egoeran dago oraintxe.
Etxeraten iritzian, erabaki "krudela" da, Iparragirrek "osasun asistentzia duina behar duelako" eta zentro horretara eramanda bere beharrizanak asetuko ez direla ulertzen duelako; izan ere, egoera terminalean dago.
Ildo horretan, gogoratu du egungo legediak beste neurri batzuk ere aurreikusten dituela, hala nola, eskumuturreko telematikoa edo epaitegian sinatzean, presoa etxean egon dadin. "Ibonek bere senideekin etxean egon behar du, tratamendua duitasun osoz jasotzeko", erantsi du.
Etxeratek enegarrenez ohartarazi du Iparragirreren egoera muturrekoa dela: "Azken analisien arabera, 20 defentsa baino ez zituen, pertsona heldu osasuntsu batek 723 eta 1.124 artean izaten ditu defentsak. C3 fasean dago Ibonek pairatzen duen HIESA, gaixotasunaren azken fasean, hain zuzen ere".
Gauzak horrela, bere babesa eskaini dio presoari nahiz haren amari eta gainerako senideei. "Ongi dakigu haien sufrimendua nolakoa den eta txalotzekoa da Ibonen alde, Ibon bizirik irauteko egin duten ahalegin etengabea", azpimarratu du Etxeratek.
20 urte baino gehiago daramatza Hiesarekin bizitzen Iparragirrek baina bere egoerak okerrera egin zuen kartzelaratu zutenean, eta mugako egoerara iritsi da orain.
300 urteko espetxe-zigorra betetzen ari da, Ondarroako ertzain etxearen kontra egindako atentatuagatik.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.