Eusko Jaurlaritza buru, Kolonbiara doan Giza Eskubideen aldeko delegazio batean
Kolonbiara abiatuko da gaur, larunbata, Giza Eskubideen aldeko euskal delegazio bat, eta Eusko Jaurlaritza izango du buru aipatutako delegazio horrek; bidaiaren xedea da ikuskatzea zein den Giza Eskubideen defendatzaileak babesteko programaren barnean izandako lagunen egungo egoera.
Besteak beste, ondorengo hauek daude ordezkarien artean: Monika Hernando Biktimen eta Giza Eskubideen Eusko Jaurlaritzaren zuzendaria, Legebiltzarreko Giza Eskubideen eta Berdintasunaren Batzordeko alderdi guztietako kideak, eta Mugarik Gabe eta CEAR-Euskadi GKEen zenbait ordezkari.
Iaz, aipatutako programan Richar Sierra ekintzaileak parte hartu zuen. Antioquiako Erakunde Indigenako liderra da Sierra; erakunde horretan, Antioquia departamentuko bost herri indigena daude bilduta, eta xedea dute mugimendu indigenaren borroketako buru izatea (lurralde-eskubideen aldeko borrokak, autonomiaren aldekoak, eta kultura-nortasuna errespetatzearen aldekoak). Hainbat talde paramilitarrek eta enpresa transnazionalek sistematikoki mehatxatu dute erakunde hori, Eusko Jaurlaritzak gogorarazi duenez.
Bidaiaren helburu nagusia da ikustea, bertatik bertara, Sierra eta programaren barnean aurreko urteotan izandako lagunak zein egoeratan dauden, gaur egun.
Jarraipen horretaz gain, bidaia ofizial honek balio izango du sendotzeko lagun horien babes-sarea, eta euskal erakundeen babesa agerian uzteko.
Horretarako, delegazioko kideek bilerak izango dituzte Kolonbiako hainbat elkarteren eta erakunderen ordezkariekin, jakiteko zein den Gizarte Eskubideen egoera aipatutako herrialdean.
Aukera ona, bakegintzaz eta elkarbizitzaz hitz egiteko
Iñigo Iturrate legebiltzarkidea ordezkarien artean dago, eta, esan duenez, bidaia aukera ona da "bakegintzari eta elkarbizitzari buruzko bizipenez hitz egiteko". Iturratek, dena den, nabarmendu du Euskadiko eta Kolonbiako errealitateak oso bestelakoak direla.
Misioa amaituta, delegazioak balorazio-txosten bat erredaktatuko du; txostena Eusko Jaurlaritzaren web orrian argitaratuko dute, eta Kolonbian ordezkariekin bilduko direnei ere bidaliko zaie.
Garrantzi handia ematen dio Eusko Jaurlaritzak bidaiari; izan ere, Giza Eskubideen Adierazpenak 70 urte betetzen ditu aurten, alde batetik, eta, bestetik, 2018an 20 urte egingo ditu Giza Eskubideen defendatzaileen gaineko Nazio Batuen adierazpenak.
Zure interesekoa izan daiteke
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.