Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mikel Mancisidor ararteko berriaren izendapena tentsio handiko eztabaidarekin amaitu da Legebiltzarrean. PPk eta EH Bilduk akusazioak bota dizkiete elkarri. Koalizioak gogor kritikatu du Mancisidor aukeratu izana, ez baitauka, EH Bilduren hitzetan, "euskara maila egokia".
Mancisidorrek berak ez die erantzun nahi izan EH Bilduren hitz horiei, ez zelako "polemiketan sartzeko eguna". "Legebiltzarkide guztiei eskerrak ematen dizkiet, bozkatu dutena bozkatu dutela ere. Guztion arartekoa izan nahi dut", gaineratu du.
Mancisidorren euskara miala eskasa dela esateaz gain, Arkaitz Rodriguez (EH Bildu) oposizioko talde nagusiaren legebiltzarkideak Mancisidor hautatu izana kritikatu du, "neutraltasuna eta independentzia politikoa ez bermatzeagatik", eta "ezkerreko independentismoaren aurkako" iritziak dituzten artikuluak argitaratu izanagatik.
Halaber, EAJk eta PSE-EEk kargu hori "garai ilunetako" alderdi batekin adostu izana gaitzetsi du, PPri erreferentzia eginez. "Goizean Aiuso entzun, Euskadi euskaldun esaten dute, eta, arratsaldean, Ayusoren PPrekin adostu. Pradales jauna, arartekoa ez da euskalduna ", adierazi du.
Javier de Andres Euskadiko PPren presidenteak defendatu du Mancisidorrek arartekoa izateko baldintza egokiak bete egiten dituela, eta berretsi du Euskadin akordioak behar direla giza eskubideen inguruan.
"Mehatxuak mehatxu, jakin ezazue lehenago edo beranduago indar politiko gisa akabatuko zaituztela", ohartarazi dio koalizio abertzaleari.
Hitz horien ostean, Otxandianok iragarri du "neurri politikoak eta legalak" aztertuko dituztela De Andresen aurka.
Xabier Barandiaranek (EAJ) Mancisidorren profila defendatu du, "prestakuntza handia" duelako, ibilbide profesionala daukalako eta giza eskubideekin lotura duelako. "Pertsona zintzoa, zentzuduna eta leiala da", azpimarratu du.
Azkenik, Jon Hernandezek (Sumar) boto zuria justifikatu du arartekoaren figurak "ahalik eta adostasun handiena" izan behar duelako, eta, haren ustez, EAJk eta PSE-EEk ez dute hori lortzeko jardun.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.