Espainiako Gobernuak Puigdemonten hautagaitzaren kontrako helegitea aurkeztu du
Atzo iragarritakoa bete egin du Espainiako Gobernuak: Carles Puigdemont Kataluniako presidente izateko hautagaitzaren aurkako helegitea aurkeztea onartu du gaur Ministroen Kontseiluak Auzitegi Konstituzionalean. Hala iragarri dute Soraya Saenz de Santamaria Espainiako Gobernuko presidenteordeak eta Iñigo Mendez de Vigo bozeramaileak, bileraren ondotik; Konstituzionalak, hortaz, bertan behera utziko du, ziur aski, hurrengo asteartea baino lehen, Puigdemonten hautagaitza; ebazpena emango du, eta bertan, gainera, ohartaraziko die Mahaiko kideei men egin behar dutela.
Rajoyren Gobernuak, hortaz, aurrera jarraitzen du Roger Torrenten sinatutako hautagaiaren aurkako helegitea jartzeko asmoarekin. Estatu Kontseiluaren irizpidea bestelakoa da, baina; azken erakunde horrek egindako txostenaren arabera, ez da garaia Auzitegi Konstituzionalera joateko.
Helegitea aurkeztu arren, Espainiako Gobernuak erabateko errespetua agertu dio Estatu Kontseiluaren iritziari; hala adierazi du Espainiako Gobernuaren presidenteordeak.
Saenz de Santamariaren ustez helegite hori bide egokia da saihesteko "justiziatik ihes egindako norbaitek aukera izatea, legez kontra, inbestituta izateko, eta autonomia-gobernu baten buruan kokatzeko".
"Behar konstituzionala dugu; legeak gure esku uzten duen guztia egin behar dugu, legea urratua ez izateko", nabarmendu du Espainiako presidenteordeak. Haren iritziz, bere Gobernuak legezko argudioak ditu, oraindik ere, "aurrera jarraitzeko", eta Kataluniako herritarrentzako "beste irain bat saihesteko".
PSOEk helegiteari eusteko erabakiaren gainean erakutsitako zalantzei buruz galdetu diotenean, Espainiako presidenteordeak esan du bere Gobernuak alderdi batzuekin hitz egin zuela, eta horien babesa eskuratu zutela.
Efek kontsultatu dituen Auzitegi Konstituzionalaren iturrien arabera, hasiera batean epaile guztiak ez dira helegitea onartzearen aldekoak, ez behintzat helegitearen nondik norakoak ikusi arte (ostiral eguerdian, oraindik ez zegoen erregistratuta helegite hori).
Puigdemont: "Espainia isolatzen ari dira"
Bere aldetik, Carles Puigdemontek leporatu dio Mariano Rajoyren Gobernuari "Espainia isolatzea, duela 40 urte ere gertatzen zenez". Twitterren argitaratutako mezu batean, Puigdemontek hainbat prentsa-izenburu partekatu ditu, Espainiako Gobernuak mugetan eta Kataluniako Parlamentuaren inguruan zabalduta dituen zaintza-sistemen gainekoak; sistema horien helburua da saihestea Puigdemont urtarrilaren 30erako deituta dagoen inbestidura-saioan ez egotea.
"Beti esan izan digute, modu faltsu batean, mugak altxatu nahi ditugula; bada, azkenean, beraiek egin dute. Duela 40 urte ere gertatzen zen moduan; Europatik isolatuta, bai lehorretik, bai itsasotik baita airetik ere. Isolatuta, fisikoki, juridikoki eta demokratikoki. Herri-nahiari dioten beldurra da", salatu du.
Zure interesekoa izan daiteke
Aragoiko parte-hartzea ia % 11koa da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.