Nafarroak tortura-txostenei bideratutako diru-laguntzei helegitea jarri die Espainiak
Nafarroako Gobernuak, foru agindu baten bidez, ebatzi zuen 30.000 euro erabiliko zituela dokumentatzeko eskuin-muturreko taldeek eta funtzionario publikoek eragindako gertaera bortitzak; orain, Espainiako Gobernuak, Nafarroan duen Ordezkaritzaren bitartez, helegitea jarri du foru agindu horren aurka.
Foru aginduak diru-laguntzetarako deialdia arautzen ditu; guztira, 30.000 euro erabiliko dituzte, xede izanik politika-motibazioa duten testuinguruetan Nafarroan eragindako giza eskubideen urratzeak ikertzea. Deialdi horretan, hiru proiektu aurkeztu zituzten: bi, Nafarroako Unibertsitate Publikoarenak; hirugarrena, Euskal Herriko Unibertsitatearena. Azken horri, 17.900 euro eman dizkiote.
Gobernu espainiarraren Ordezkaritzak EFEri emandako informazioaren arabera, administrazioarekiko auzi-helegitea jarri dute, Nafarroako Justizia Auzitegi Nagusiaren gelaren aurrean, Herritarrekiko eta Erakundeekiko Harremanetako Departamentuak emandako aginduaren aurka.
"Espainiako Gobernuaren iritziz, Foru Gobernua, diru-laguntzen deialdi hau argitaratuz, Auzitegi Konstituzionalaren ebazpenaren aurka ari da egiten; izan ere, eta Nazioko Gobernuak aurkeztutako konstituzio-kontrakotasuneko helegitea tarteko, Konstituzionalak bertan behera utzi zuen eskuin-muturreko taldeek eta funtzionario publikoek eragindako gertaeren aitorpen eta erreparaziorako foru Legea", dio Nafarroako Ordezkaritzak.
Foru aginduaren bidez, Auzitegi Konstituzionalak debekatutako txostenak beste erakunde batzuek egin ditzatela eskatzen du Nafarroako Gobernuak; hala uste du Espainiako Gobernuak.
Ana Ollo kontseilariaren agerraldia
Ana Ollo Herritarrekiko eta Erakundeekiko Harremanetako kontseilariak, bere aldetik, agerraldia egin du astearte honetan parlamentu-batzordean, UPNk eta PPNk eskatuta, EAEko Kriminologia Institutuak jasotako 17.900 euroko diru-laguntzari buruzko azalpenak emateko. Aipatutako Institutua Euskal Herriko Unibertsitateari atxikita dago, eta, helegitea jarrita duen foru agindua dela eta, Nafarroan izandako torturen gaineko txostena egin behar zuen.
"Batzuek Euskadiko Kriminologia Institutu horren aurka egin dute, nabarmen; prestakuntza handia duen unibertsitate-talde baten baliotasuna zalantzan jarri dute", esan du Ollok.
Saioan, Ollok gogorarazi du Euskadiko Kriminologia Institutua aurkeztu zela Nafarroan 1960tik izandako torturen eta tratu txarren gaineko ikerketari buruzko proiektu batekin; 2017rako, 17.000 euroko baino gehiagoko diru-laguntza jaso zuen.
"Deialdiaren denbora-mugen ondorioz, hori hurbilketa baino ez da izan, hainbat lan daude egiteke oraindik", zehaztu du. Ollok deitoratu du espedientea atzeratu izatea eta helegiteak jarri izatea; beste bi proiektu ezin izan dituzte gauzatu, horregatik.
Honela hitz egin du kontseilariak, PPNk azaroan jarritako helegiteaz eta Estatuko Abokatutzak aurkeztutakoaz: "Espero du tez bilakatzea epaile, eta ez erabakitzea zeinek egin ditzakeen akademia-ikerketak, eta zeinek ez". Esan duenez, Gobernuak bi urte eta erdi eman ditu biktimak onartu eta erreparatzeko, “inolako parekatzerik eta diluziorik gabe, denei arreta emanda, horien beharrak ikusita”.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.