Ganberak eskola-jangelen auzian erantzukizun politikoak egon ote ziren ikertuko du
Elkarrekin Podemosen, PPren eta EH Bilduren aldeko botoekin, ganberan batzordea osatzea onartu du Eusko Legebiltzarrak eskola-jangelen auzian erantzukizun politikoak egon ote ziren ikertzeko. Auzia 2016tik dator, orduko hartan Lehiaren Euskal Agentziak 18 milioi euroko isuna ezarri zien hainbat enpresari prezioak adosteagatik. Legebiltzarrak berak auzia ikertzea eskatu zion Fiskaltzari, baina horrek artxibatu egin zuen, delitu zantzurik ez zegoela argudiatuta.
Elkarrekin Podemosek eta Alderdi Popularrak elkarrekin aurkeztutako proposamena da aurrera atera dena. Bi alderdion eta EH Bilduren botoei esker onartu dute. EAJk eta PSE-EEk zuri bozkatu dute.
Onartutakoaren arabera, batzorde bat eratuko dute Legebiltzarrean Hezkuntza Sailak eskola-jangelen zerbitzua eskaintzen duten "enpresak kontratatzeko jarraitzen duen prozesua" ikertzeko.
Fiskaltzak auzia artxibatu zuen 2016ko ekainean, enpresok prezioak adostu zituztela frogatzen zuen zantzurik topatu ez zituela eta. Aurrez, 2016ko otsailean, isun milioiduna ezarri zien zazpi enpresari. Enpresek, baina, helegitea aurkeztu zuten eta EAEko Justizia Auzitegi Nagusiak % 60 murriztu zien isuna. Dena dela, frogatutzat jo zuen enpresok ituna egin zutela prezioak adosteko, eta hori Eusko Jaurlaritzaren "erreakzio, ikerketa eta prebentzio faltagatik" jazo zela.
Aurretik ere Legebiltzarrean ikerketa batzordea sortzea eskatu zuten taldeek. 2016ko apirilean, tankerako proposamena aurkeztu zuten PPk eta UPyDk, baina EH Bilduren aldeko botoak baino ez zituen jaso (EAJk eta PSE-EEk kontra bozkatu zuten).
Albiste gehiago politika
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.