'De Miguel' auzia epailearen kontrolpean ikertu zutela esan du ertzain batek
'De Miguel auzia'ren ikerketa instrukzio epaileak zuzendu zuela eta, beraz, Ertzaintzak ez zuela ikerketa paralelorik egin adierazi du gaur ertzain batek.
Ikerketa horretan parte hartu zuten hamabi ertzainek deklaratu dute 'De Miguel auzia'ren epaiketaren bigarren saioan.
Guztira, 26 pertsona daude auzipetuta, tartean Arabako EAJren buruzagi ohiak, legez kanpoko komisioak kobratzeko sarea osatu izana egotzita.
Lehendabiziko atxiloketak eta miaketak 2010eko martxoan egin zituzten. Polizia-operazio guztiak instrukziozko epaileak agindutakoaren arabera egin zirela berretsi dute.
Delitu ekonomikoetan aditua den ertzain batek zuzendu du zuen Koldo Ochandiano Arabako EAJren zuzendaritzako kide ohiaren etxebizitza miatzeko operazioa. Fiskalaren galderak erantzunez, ikerketa guztia instrukzio epaileak kontrolatu zuela eta Ertzaintzak ikerketa paralelorik egin ez zuela azpimarratu du ertzainak.
Akusatuen defentsek iradoki dute Ertzaintzak bere kabuz, instrukzio epailearen lepotik, ikertu zutela auzia.
Atzokoan bezala, gaur ere akusatuen eserlekuan auzipetu bakarra egon da. Lekukoen deklarazioak biltzeko fase honetan ez daude derrigortuta epaitegira joatera.
Epaiketak datorren ostegunean jarraituko du. Saio horretan ertzain gehiagok deklaratuko dute.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.