Bi urteko kartzela-zigorra Pablo Hasel raperoari, ETA eta GRAPO goratzea egotzita
Auzitegi Nazionalak bi urte eta egun bateko kartzela-zigorra ezarri dio Pablo Hasel rap-kantariari, ETA eta GRAPO erakundeei Twitter sare sozialean gorazarre egitea leporatuta.
Horrez gain, 24.300 euroko isuna ordaindu beharko du, Erregeari, instituzioei eta Estatuko segurtasun indarrei irain egitea egotzita.
Auzitegi Gorenak zigorra berresten badu, Pablo Hasel kartzelan sartuko dute; izan ere, 2014an bi urteko espetxealdia ezarri zioten, delitu bera leporatuta. Orduan ez zuten espetxeratu, aurrekaririk ez zuelako.
Erabakia Auzitegi Nazionaleko Zigor-arloko lehen sekzioko epai-mahaiak hartu du. Manuela Fernandez de Prado epaileak boto partikularra eman du, Pablo Haselek Twitterren egindako komentarioak adierazpen askatasunaren baitan sartzen direla iritzita.
Concepcion Espejel eta Nicolas Poveda magistratuek, berriz, "terrorismoa goratzeko" eta "Erregea eta Estatuko erakundeak iraintzeko" asmoa zuela esan dute eta, ondorioz, ezin daitekeela adierazpen askatasuna aintzat hartu.
Areago, adierazpen horiekin "indarrezko erantzun bat" eragin nahi zuela ebatzi dute.
Epaiaren berri izan ostean, Pablo Haselek mezu bat zabaldu sare sozialetan "inoiz" ez duela amore emango nabarmenduta.
"Bi urteko zigorra eta zigor-isuna ezarri dizkidate, hau da, hiru urte. Aurretik beste bi urte ezarri zizkidaten erregimenaren kontrako abestiak egin ditudalako. Horrenbestez, bost urte egingo ditut preso, iritzia emateagatik, baina inoiz ez dut amore emango", adierazi du.
"Epai honekin indar gehiago emango diote isilari nahi dute ahotsari; iraultzaile moduan indartu egingo naute. Honek guztiak aurreratu egin du zuen tiraniaren amaiera", azpimarratu du.
"Jada ez da iritzi kontu bat, monarkiari, poliziari eta preso politikoei buruzko gauza objektiboak kontatzeagatik zigortu naute", erantsi du.
Horrez gain, Kataluniako raperoak berriro argitaratu ditu Twitter sare sozialean bera zigortzeko erabili dituzten abestien letrak.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.