Adierazpen askatasunaren aurkako 'gehiegikeriak' salatu ditu AIk
Terrorismoaren aurkako legeak "gehiegikeriaz erabiltzen" ari dira Espainian, Amnistia Internazionalaren arabera, eta horrek Interneten terrorismoa goraipatu eta biktimak iraintzegatik zigortutako pertsonen kopuruak nabarmen igotzea eragin du: 119 izan dira 2011tik, eta erdia baino gehiago azken bi urteetan.
Giza eskubideen aldeko organizazioak 'Txiokatu… ausartzen bazara' izeneko txostena argitaratu du, eta azken urteetan Auzitegi Nazionalak kazetarien, artisten eta sare sozialetako erabiltzeen aurka jarritako zigorrak, Zigor Kodearen 578 artikuluari helduta, aztertu ditu. 2011an pertsona bakarra zigortu zuten; 15, 2012an; 7, 2013an, eta 12, 2014an.
Hala, 2015etik aurrera, alegia, Mozal Legeaz geroztik, kopurua neurririk gabe hazi da, urte horretako 18 zigorretatik iazko 31 pertsonetara, baina 2016an jo zuen goia, 35 pertsona zigortuta.
Ordutik hona, "agintariek milaka isun jarri dizkiete manifestariei, giza eskubideen defendatzaileei eta kazetariei, adierazpen askatasunari lotutako jardunbideengatik", deitoratu du AIak. Gainera, Espainiako terrorismoaren aurkako legeak orokorregiak direla eta gutxi zehazten dutela kritikatu du.
Gainera, gehienetan, hamarretik bederatzitan, hain zuzen, Espainia "barruko" talde armatuei, dagoeneko "deseginda daudenak edo jarduten ez direnak", lotuta jarri dituzte zigorrak: "goraipatzeagatik" jarritako 117 zigorretatik, 14k baino ez dute lotura zuzena izan Estatu Islamikoarekin.
Hori dela eta salatu du organizazioak kasu gehienetan ez dutela nazioarteko zuzenbideak adierazpen askatasuna mugatzeko ezartzen dituen baldintzak betetzen, hau da, oso beharrezkoak direnean baino ez aplikatzea eta neurrikoak izatea, segurtasun nazionala bermatu ahal izateko.
Segurtasun nazionala bermatzeko beste baldintza bat gorroto nazionala, arrazakeria edo erlijioaren aurkakoa mugatzea da, baina "zenbait adierazpen zigortzeak delitu terroristen biktimak iraintzen dituztela argudiatuta ez ditu baldintzak horiek betetzen", gaineratu du.
Txostenak 'Armiarma operazioaren' faseetan atxilotutakoak jaso ditu, esaterako, Arkaitz Terron Twiterreko erabiltzailea, Alfonso Lazaro eta Raul Garcia titiriteroak, Cesar Strawberry eta Pablo Hasel musikariak, Boro kazetaria eta Cassandra Vera ikaslea aipatu ditu.
Pertsona horiek, 578. artikulua aplikatuta, "eragin suntsitzailea" pairatu dute, isun handiak eta zenbait bolada gaitasungabetuta, baita espetxera bidaliak ere izan dira.
Zigorrez harago, terrorismoaren aurkako legedia "gehiegikeriaz erabiltzeak pertsonek euren burua zentsuratzera behartzen ditu, errepresioa jasatearen beldur" direlako.
Horregatik guztiagatik, 578. artikulua bertan behera uztea eskatu du. Era berean, "beste pertsona batzuk erraz identifikatu ahal den delitu bat egitera animatzen duten" adierazpenak baino ez dituztela zigortuko bermatzea eskatu dute, beti ere "delitua egiteko aukera handiak daudenean".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.