Kataluniako 'salbuespen egoera' salatu dute Euskal Herriko udaletxeen atarietan
Ehunka pertsona bildu dira igande eguerdian Euskal Herriko udaletxe nagusien atarietan, Katalunian bizi duten "salbuespen egoera" salatu eta "preso politikoak" askatzea eskatzeko.
EH Bilduk, ELA, LAB, ESK, Steilas, CNT, EHNE, Hiru eta Etxalde sindikatuek eta Gure Esku Dago plataformak deitu dituzte gaurko mobilizazioak, estatu espainiarrean dagoen "demokrazia gabeziaz" ohartarazteko.
'Kataluniarekin-Demokrazia-Askatasuna' lemapean egin dira elkarretaratzeak, Auzitegi Gorenak Jordi Turull Generalitateko presidentetzarako hautagai ohia eta Raul Romeva, Josep Rull eta Dolors Bassa kontseilari ohia eta Carme Forcadell Parlamenteko presidente izandakoa baldintzarik gabe kartzelan sartzeko hartutako erabakiaren ostean.
Iruñeko elkarretaratzean 'Kataluniarekin-Demokrazia-Askatasuna' pankartarekin erakutsi dute. Nafarroako hiriburuko alkateaz gain, foru parlamentariak eta Iruñeko zinegotziak izan dira.
Bilkuraren antolatzaileek zabaldutako agirian "PP-PSOE-Ciudadanos" taldearen gainbehera autoritarioa eta antidemokratikoa” kritikatu dute.
Ehunka pertsonak hartu dute parte Bilboko deialdian, 12:00etan, ikurrinak eta estelada zituztela. Besteak beste, Aitziber Ibaibarriaga EH BildukBilboko Udalean duen bozeramailea, koalizioako batzarkideak eta Ana Perez Steilas sindikatuko bozeramailea izan dira mobilizazioan. Horrez gain, Javier Madrazo Eusko Jaurlaritzako Etxebizitza sailburu ohia eta Jose Maria Gorordo Bilboko alkate ohia eta Tasio Erkizia ezker abertzaleko kide historikoa ere Bilbon egon dira.
Donostian, bestalde, 'Kataluniarekin-Demokrazia-Askatasuna' lelopean, Igor Arroyo LAB sindikatuko idazkari orokor ordea eta Angel Oiarbide Gure Esku Dago plataformako bozeramailea izan dira.
Oiarbidek hedabideei ohartarazi dienez, Katalunian gertatzen ari dena "ez da ez demokratikoa, ezta normala ere". "Egin genezakeen okerrena egoera normala balitz bezala ikustea da. Guri ere eragiten digu gertatzen ari denak, eta hemendik gure elkartasuna eta babesa erakutsi nahi dugu", esan du.
Gasteizko elkarretaratzea Ama Zuriaren Plazan egin dute. "Preso politikoen askatasunaren" aldeko pankartak eraman dituzte parte-hartzaileek, eta demokrazia eskatu dute. Esteladak eta ikurrinak ere eraman dituzte.
"Gaur Katalunia eta bihar Euskal Herria" izan daitekeela ohartarazi du Otegik
Arnaldo Otegi EH Bilduren koordinatzaile nagusiak "erabateko salbuespen egoeran" gaudela salatu du, "gaur Katalunia eta bihar Euskal Herria izan daitekeela" ohartarazteaz gain. Horrenbestez, "batasunetik abiatuta Estatuaren erasoari aurre egiteko" deia egin du, "jokabide baketsuak eta demokratikoak" erakutsiz, baina baita "beharrezkoa den irmotasun politikoa" ere. Otegik Elgoibarko udaletxearen parean egindako elkarretaratzean hartu du parte.
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.