'Eskumen legegileak dituzten eskualdeei paper garrantzitsuagoa onartu behar die EBk'
Iñigo Urkullu lehendakariak nabarmendu du Euskadi eta Flandria eskumen legegileak dituzten eskualdeek eta estatu konfederatuek Europar Batasunean (EB) "paper garrantzitsuagoa" izatearen alde daudela, baita "Justizia Auzitegirako sarbide zuzena" izatearen alde ere. Halaber, adierazi du Euskal Autonomia Erkidegoak elkarrizketa foroa proposatu duela "maila askotako benetako gobernantza artikulatzeko", eta, ildo horretan, "Europar Batasuneko erakundeetan parte hartzeko bide egokiak ezartzea" proposatu du, "efikaziagatik".
Urkulluk 13:00ak aldera egin du agerraldia, Lehendakaritzan, Geert Bourgeois Flandriako ministro-presidentearekin batera; azken honek lehenengoz bisitatu du ofizialki Euskadi. 2015eko ekainaren 1ean Bruselan Intentzioen Deklarazioa sinatu zuten, honek hainbat kolaborazio aurreikusten ditu honako gai hauetan: Berrikuntza, Ikerketa eta Garapena; Lanbide Heziketa; Ingurumena eta aldaketa klimatikoa; Osasuna; Industria kulturalak eta sortzaileak.
Lehendakariak azaldu duenez, euskal herritarrek eta flamenkoek politika arloan ere kolaboratzen dute, integrazio europarrerako prozesuan duten papera bultzatuz. "Flandria eta Euskadi bat gatoz EBk eskumen legegileak dituzten eskualdeei paper garrantzitsuagoa eman behar diela esatean, estatu federatuak barne, 'Europaren etorkizunari buruzko liburu zuria'n irekitako prozesuan".
Urkulluren hitzetan, "antolaera hau europazaletasun sentimendu sakonean oinarritzen da, eta bat dator proportzionaltasun printzipioarekin, baita maila askotako gobernantza ideiarekin ere".
Horren haritik, "estatu federatuek eta eskumen legegileak dituzten eskualdeek Europar Batasunaren barruan erabakiak hartzeko protzesuan inplikazio handiagoa" nahi dutela adierazi du, "baita Justizia Auzitegirako sarbide zuzena izatea ere, interes partikularra, zehatza eta zuzena eduki beharrik izan gabe".
Elkarrizketa foroa
Halaber, adierazi du Euskal Autonomia Erkidegoak elkarrizketa foroa proposatu duela "maila askotako benetako gobernantza artikulatzeko". "Eskumen legegileak dituzten eskualdeek egiturazko modu aktiboagoan parte hartu ahal izatea da geure helburua. Partaidetza handiago hau herritarren aurrean bidezkotasuna lortzeko bidetzat hartzen dugu", adierazi du.
Modu honetan, "Europar Batasuneko erakundeetan parte hartzeko bide egokiak ezartzea" proposatu du, "efikaziagatik", "bai politika sozialak bai ekonomikoak hobeto garatzeko, orokorrean, erabaki politiko eta instituzionalen kate osoa”. Halaber, Euskadik eta Flandriak "Bake eta Bizikidetza programan lankidetza bultzatzeko helburua" partekatzen dutela nabarmendu du, "Europan eta munduan Giza Eskubideak sustatzeko".
Zure interesekoa izan daiteke
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.
Pradalesek "erantzukizuna" eskatuko die alderdiei ostegun honetan, nazioartean dagoen ziurgabetasunari aurre egiteko
Lehendakariak gatazka geopolitikoen, inflazioaren eta eraldaketa teknologikoaren testuinguruan kokatuko du politika orokorreko osoko bilkura, eta euskal eredua defendatuko du zerbitzu publikoak, ekonomia eta ongizatea indartzeko bide gisa.
Eusko Legebiltzarreko politika orokorreko osoko bilkura, zuzenean
09:30etatik aurrera, Eusko Legebiltzarrak ikasturte politikoari hasiera emateko osoko bilkura egingo du.
Albiste izango dira: lehendakaria ELArekin eta LABekin bilduko da, oposizioak irabazi du Suedian eta Euskal Zinemaren Galaren aurkezpena
Gaurkoan Orain-en albiste izango direnen laburpena, bi hitzetan.