Urkulluk 'baldintza gutxiago' eskatu dizkie taldeei, Estatutu berria adosteko
Iñigo Urkullu lehendakariak ondorengoa eskatu die Gasteizko Ganberan ordezkatuta dauden bost parlamentu-taldeei, Euskadirentzako Estatutu berriaz: "Akordio anitza eta zabala" bila dezaten, "zubi gehiago eraikiz" eta "baldintza gutxiago jarriz".
Hala erantzun du Urkulluk, ostiral honetan Legebiltzarrean egindako kontrol-saioan, EH Bilduko bozeramaile Maddalen Iriartek egindako galdera bati; hain zuzen ere, Iriartek galdetu dio ea uste duen estatus berria baliogabetuta geratuko litzatekeela erabakitzeko eskubidea jasoko balu. Horixe esan du PSE-EEk, alegia, EAJrekin Eusko Jaurlaritzan dagoen alderdiak.
Lehendakariak ez du zehazki horri erantzun, eta berretsi du Estatutu berriaren nondik norakoak zehaztea Autogobernuaren Lantaldean dauden bost alderdiei dagokiela.
"Kontua ez da uko egitea"
Onartu du alderdi bakoitzak bere proposamen dituela, eta proposamen horiek desberdinak direla elkarrengandik; hortaz, eskatu die ahalegina egin dezaten akordio batera iristen, "kontua ez baita uko egitea, baizik eta topaguneak aurkitzea, eta zer batzen gaituen zehaztea".
Nabarmendu duenez, EAJk eta PSE-EEk hitzartutako gobernu-programak adierazten du Estatutuaren erreforma Autogobernuaren Lantaldean zehaztuko dutela; horren asmoa da han adostea erreforma gidatuko duten hastapenak.
EH Bildu: "Ez dago besoak antxume egoterik"
EH Bilduko parlamentu-bozeramaileak galdetu dio lehendakariari nola egingo duen autogobernuan sakontzeko Estatuaren jarrera ikusita; Maddalen Iriarteren iritziz, Estatuaren jarrera dena berriro zentralizatzearen aldekoa da. "Estatuak beti du azken hitza, beti ditu hogeita hamaika eskutik".
Adibide moduan, azken egunotan zabaldu diren bi epai jarri ditu: frackingari buruzko euskal legearen aurkakoa, eta euskal Administrazioko langileen 35 orduko lan-astearen kontrakoa: "Erabaki politikoak hartu behar dira, egoera hauei irtenbidea emateko; ez dago besoak antxume egoterik", esan dio
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.