Bescansak uko egin dio Madrileko 2019ko zerrendan bigarrena izateari
Carolina Bescansa Podemoseko diputatuak uko egin dio Madrilgo Erkidegoko Podemosen 2019rako zerrendan bigarren postuan agertzeari. Hautagaitza horretan Iñigo Errejon ere badago eta, erabakiarekin, "sinadurarik gabeko zirriborroa" ezeztu nahi izan du Bescansak.
Twitterren duen kontuan zabaldutako ohar baten bidez adierazi duenez, Bescansak uko egin du Errejonek eta horren taldeak egin omen zioten "eskaintzari". Bescansaren hitzetan, "ohorea" da jasotako proposamena, eta "ilusioarekin eta esker onez" hartu du.
"Halere -dio Bescansak txioan- gaur arratsaldean zabaldu den informazioa, nire taldeko kideek egin eta ustekabean zabaldu ostean, eta zirriborroa izan gabe, hautagaitza horren irudia kaltetzen ari da, baita Podemos osoari ere".
Hautagaitza uzteko erabakia asteazken honetan agiria zabaldu ostean etorri da. Agirian, Iñigo Errejon Estrategia Analisi eta Aldaketa Politikoaren idazkariari bere hautagaitza babesteko akordio bat proposatzen dio, bera "bigarren" postua hartuta, diputatu madrildarrak bere babesa ematearen truke, alderdiko zuzendaritza hartzeko. Errejonek esan du ez duela zerikusirik agiriarekin, eta "zoramena" dela eta "alderdiari egindako iraindu" dutela adierazi du.
Hala, Podemoseko parlamentariak onartu du Bescansari egindako eskaintza -Ramon Espinar edo Lorena Ruiz-Huertarekin egin bezala- baina ziurtatu du ez duela zerikusirik berak zabaldu duen dokumentuarekin.
Izan ere, baieztatu du ez duela agiria ezagutu Bescansak berak argitaratu baino lehen, eta egindako proposamenari jaso duen lehen erantzuna dela. Edonola ere, ez dator bat horren edukiarekin.
Halere, Bescansaren helburua harago omen doa, agiriaren arabera. Zehatz-mehatz, Errejoni Madrilen aliantza egitea, ondoren Podemoseko zuzendaritza maila nagusian hartzeko helburuarekin.
Aurkeztutako akordioa "loteslea" da, beti ere agiriak dioenez, eta besteak beste Bescansa Errejonen bigarrena izango dela ezartzen du, datorren urtean Madrilen egitekoak diren hauteskundeetako zerrendan.
Gainera, Errejoni babesa emateko baldintza ondoren Bescansak ere jasotzea da, "Podemoseko primarioetan, hauteskunde orokorrak" prestatze aldera.
"Oso larria"
Podemoseko zuzendaritza nagusiaren esanetan, "oso gai larria da" Carolina Bescansak "akats batengatik" zabaldutako zirriborroa.
Alderdiko zuzendaritzak uko egin dio baloraziorik egiteari, baina bertan aipatzen den aliantzaren baldintzek gogaitu eta kezkatu dute. Hala, Europa Pressen arabera, zuzendaritzako kideen iritzian gai oso larria da.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.