Nazioarteko pertsona ospetsuek ETAren amaiera ziurtatuko dute gaur, Kanbon
Nazioarteko pertsona ospetsuek, besteak beste, Gerry Adams Sinn Feineko presidente ohiak eta Jonathan Powell Tony Blair lehen ministro ohiaren aholkularia zenak, ziurtatuko dute gaur ETAren amaiera Kanbon (Lapurdi). 12:00etatik aurrera, Arnaga etxean bilduko dira. Gonbidatuak heltzen ari dira.
'Euskal Herriko Gatazkaren Konponbidean aurrera egiteko Nazioarteko Bileran' 89 gonbidatuk parte hartuko dute. Adierazpenaren irakurketa 13:00etan izatea espero da. Brian Currin, Raymond Kendall eta Alberto Spektorowsky Harremanetarako Nazioarteko Taldeko kideek, Anais Funosas Bake Bideko presidenteak eta Agus Hernan Foro Sozial Iraunkorreko koordinatzaileak hitza hartuko dute.
Emakume gazte batek irakurriko du 'Arnagako Adierazpena', "Euskal Herriko etorkizun berriaren ordezkari bezala".
ETAren bukaerari sinesgarritasuna eta erakundearen azken adierazpenari bermea emateko asmoa du ekitaldiak. EAJ, EH Bildu eta Podemos Euskadiren ordezkariak bertan izango dira, baita sindikatuak eta gizarte eragileak ere.
Nazioarteko beste agintari batzuk ere ekitaldian egotea espero dute, Cuauhtemoc Cardenas Mexikoko PDR alderdiaren sortzaile eta hiru aldiz presidentegaia esaterako, prozesuko iturriek jakitera eman dutenez.
Ekitaldia Aieteko Konferentziaren (2011ko urriaren 17 egin zuten Donostian) antzera diseinatu dute. Horrela, ekitaldia Brian Currin Hegoafrikako abokatuak zuzendutako Harremanetarako Nazioarteko Taldeak, Foro Sozial Iraunkorrak eta Bake Bidea elkarteak antolatu dute.
Currinek biktimen, bizikidetzaren eta presoen gaiak konpontzea eskatu zuen ostegunean, ETAren desegitearen berri izan ondoren. Currin Loiuko aireportura heldu zen ostegunean, Kanbora joateko gero. Bilboko aireportura heltzean, ETAren azken agiria izan zuen hizpide Currinek. "Irtenbide bat eman beharreko zenbait kontu daude oraindik", adierazi zuen ETBn.
"Landu beharreko indarkeriaren ondorioak geratzen dira, biktima, elkarbizitza eta presoekin lotutako arazoak, esaterako. Ondorio horiek guztiak oso garrantzitsuak dira", erantsi zuen.
Aieteko Konferentzian, 2011n, parte hartu zuten guztiak gonbidatu dituzte antolatzaileek, ETAren desagerpen prozesua maila bereko ekitaldi batekin ixteko saiakeran, baina azkenean Donostiako bileran egon zen agintari esanguratsu bat, Kofi Annan NBEko idazkari nagusi ohia, Kanbon izango ez dela ematen du .
Arnaga etxea (Kanbo, Lapurdi). Argazkia: EFE
Gonbidatuak
Ipar Euskal Herriko buruzagi politikoak, aldiz, bertan egongo dira, Jean Rene Etchegaray Baionako alkatea buru. 2016ko apirilaren 8an armagabetze ekitaldia babestu zuen Etchegarayk.
Gonbita zuhurtziaz hartu zuten Eusko Jaurlaritzak eta Nafarroako Gobernuak, eta ez dute Kanbora ordezkaririk bidaliko. EAJk, baina, goi mailako ordezkaritza bidaliko du ekitaldira: Andoni Ortuzar Euzkadi Buru Batzarreko (EBB) presidentea, Joseba Aurrekoetxea Antolakuntza idazkaria eta Pako Aizmendi Ipar Buru Batzarreko (IBB) presidentea.
Joseba Egibar Gipuzkoa Buru Batzarreko (GBB) presidentea ere gonbidatu dute antolatzaileek, "gatazka konpontzeko aldez aurretiko saiakeretan parte hartzeagatik", Lizarrako Akordioaren negoziazioan.
EH Bilduk Arnaldo Otegi buruzagia, Maddalen Iriarte legebiltzarkidea eta Aldolfo Araiz eta Bakartxo Ruiz Nafarroako parlamentariak bidaliko ditu.
Henri Dunant Fundazioko ordezkariak (ETArekin izandako elkarrizketa prozesuan parte hartu zuen), Jesus Eguiguren buruzagi sozialista ohia, Harremanetarako Nazioarteko Taldeko eta Egiaztatzaileen Taldeko kideak (armagabetzean parte hartu zuten iaz) ere izango dira bertan.
Kotte Ezenarro Hendaiako alkatea, Max Brisson LRko (Les Republicains) senataria, Frederique Espagnac PSko senataria, Florence Lasserre eta Vincent Bru Modemeko diputatuak eta Alain Iriart Hiriburuko alkatea ere topagunean izango dira.
Eugenio Etxebeste Antxon ETAko kide ohia eta Rafa Diez Usabiaga LABeko idazkari nagusi ohia gonbidatuen artean daude.
12:00etatik aurrera, Arnaga etxean bilduko dira. Edmond Rostand idazleak, Cyrano de Bergerac-en egileak, 1903an eraiki zuen Arnaga etxea. Bilera bukatu ondoren, azken adierazpen bat irakurriko dute nazioarteko agintariek. Cardenasek agiria gaztelaniaz irakurtzea espero da.
Azken agiri horren xehetasunik ez dute jakinarazi, baina testua ETAren amaierari sinesgarritasuna eta bermea ematen saiatuko omen da.
Gerry Adams Sinn Feineko presidente ohiaren iritsiera. Irudia: EiTB
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.