Biktimen memoria 'omentzera' eta 'elkarbizitzaren alde' lan egitera deitu du Urkulluk
Biktimen memoria "gordetzera eta omentzera" eta "elkarbizitzaren alde lan egitera" deitu du larunbat honetan Iñigo Urkullu lehendakariak. Gainera, salatu duenez, terrorismoak "mina eta sufrimendu injustua baino ez ditu eragin".
Frankismoari Gasteizen aurre egin zuen Araba erresistentzia Sarea omendu dute larunbat honetan, Luis Alava Sautu sare horretako ardunaduna zehazki. Duela 75 urte Madrilen fusilatu zuten Luis Alava, Frantzia alemaniarren esku erori eta Araba Sarea desegin ostean.
Lehendakariak ETAren desegiteari egin dio aipamena, eta esan du terrorismoa amaitu dela. Ekintza terroristarekin "inork ez duela ezer irabazi, guztiok galdu egin dugu", adierazi du.
Luis Alavaren memoria eta frankismoari aurre egin zuen erresistentzia-sare "eredugarria" aldarrikatu ditu Urkulluk. "1936ko gerraren zauriek hamarkada gehiegi iraun zuten", adierazi du Urkulluk, hori dela eta, "iraganetik ikasteko" deia egin du. ETAren desagerpenaz geroztik,"garrantzitsuena da biktimen memoria gordetzea eta omentzea, indarkeria ezin baita gehiago gure bizitzaren parte izan", gaineratu du.
Ramiro Gonzalez Arabako diputatu nagusia eta Gorka Urtaran Gasteizko alkatea ere bertan izan dira, eta azpimarratu dutenez, biktima guztiek (frankismoak, ETAk nahiz indar polizialen abusuek eragindakoek) "aitorpena, erreparazioa eta justizia" merezi dute.
Dokumentala, EiTBb ikusgai
Luis Alava Sauturen omenez plaka oroitagarria inauguratu dute, eta Araba Sareari buruzko dokumentala eta erakusketa aurkeztu dute. Dokumental hori EiTBn izango da ikusgai, euskaraz eta gaztelaniaz. Historiak ahantzi dituen emakume talde batek izandako balorea eta kuraia ardatz duen kontakizun honek espioitza, militantzia politikoa eta elkartasuna tartekatzen ditu. Igandean ETB2n izango da ikusgai Red Alava, la red de mujeres invisibles izeburupean eta astelehenean ETB1en.
Euskal Herriko lurraldeetan gerra zibila bukatu zenean, preso zeuden gudariei laguntzeko bide bezala jaio zena, azkenean, isilpean, klandestinitatean, arituko den sare bihurtuko da. Hainbat ekintza garrantzitsu gauzatu zituen sarea.
Sare honek ez zituen soilik, presoak eta hauen senideak artatu, atxiloketak eragotzi, edo frankismoak jazarritakoak mugaz bestaldera pasatzen lagundu; erbestean zeuden euskal Erresistentziako buruzagiei.
Red Álava: la red de mujeres invisibles igandean ETB2n eta eitb.eus-en emango da 22:00etan eta Alava Sarea, emakume espioi ikusezinak ETB1en eta eitb.eus-en 22:30ean.
Albiste gehiago politika
Miguel Angel Blancori omenaldia egin diote Chamartingo lorategietan, Madrilen
Igandean 28 urte beteko dira ETAk hil zuela. Miguel Angel Blanco Fundazioak ekitaldia antolatu du Ermuko zinegotziaren omenez. Bertan izan dira Alberto Nuñez Feijoo PPko presidentea eta Isabel Diaz Ayuso Madrilgo Erkidegoko presidentea, besteak beste.
Bingen Zupiria: "Segurtasuna zerbitzu publiko bat da eta herritarrei entzutea dagokigu erakundeoi"
"Basque Segurtasun Foroa"k, Euskadiko segurtasun integralari buruzko diagnostiko partekatua lortzeko eta arlo horretako etorkizuneko erronkei heltzeko hasi berri den hausnarketa estrategikoko prozesuak, lehen saioa egin du gaur Gueñesen (Bizkaia). Foro honek erakundeetako, gizarteko, hezkuntzako eta ekonomiako eragile guztiak inplikatu nahi ditu.
Asiron: "Eskuina eta ultraeskuina San Saturninon elkartzen dira, iraintzeko eta erasotzen saiatzeko asmoz"
"Ni konbentzituta nago, aurreko egunean Udaltzaingoaren esku-hartzeagatik ez bada eraso egingo zizkigutela, baina ez dut beste neurririk hartzeko asmorik, orain publikoki salatzeaz gain", salatu du Iruñeko alkateak.
Pradales lehendakariak "memoria-lan integrala" egitearen beharra azpimarratu du, gazteek "iraganeko akatsak" errepikatu ez ditzaten
Imanol Pradales Gogora Memoriaren, Bizikidetzaren eta Giza Eskubideen Institutuaren Zuzendaritza Kontseiluaren bileraren buru izan da Bilbon, "Gogoragunea" erakusketa-gunea irekitzeko egiten ari diren lana bisitatu ondoren.
Feijook Sanchezi eskatu dio "dakien guztia" aitortzea, dirua "itzultzen" laguntzea eta hauteskundeak deitzea
Alberto Nuñez Feijoo PPko buruzagiak gobernu progresista sostengantzen duten bazkideei ohartarazi die Sanchezen eta duintasunaren artean aukeratu behar dutela.
Harekiko konfiantza "ZIUra bidean" dagoela ohartarazi dio EAJk Sanchezi
Maribel Vaquero EAJk Kongresuan duen bozeramaileak ustelkeria kasuek eragin duten "itogina konpontzeko" eskatu dio Pedro Sanchez presidenteari. Azpimarratu du Sanchez "berandu" iritsi dela Kongresuko agerraldira, "mea culpa hankamotza" egin izana aurpegiratu dio, nahiz eta hark baduen, izan, erantzunkizunik politikari ustelak izendatzean.
"Neurri sozialak onartzeko eta programa plurinazional bat" martxan jartzeko ordua da, EH Bilduren iritziz
"Oso exijenteak izango gara PSOErekin eta gobernuarekin, ustelkeria sistemikoarekin amaitzeko eta 78ko erregimenak ezarritako hipotekak behingoz baztertzeko", ohartarazi dio Mertxe Aizpurua EH Bilduk Diputatuen Kongresuan duen bozeramaileak Espainiako gobernuburuari.
Rufianek Sanchezi ohartarazi dio ustelkeria-sarea zabalagoa dela egiaztatuz gero, hauteskundeak egitera behartuko dutela
ERCk babesa agertu dio Gobernuari, baldin eta ustelkeria "hiruk" soilik egin badute. Hala ere, ustelkeria PSOEn zabal-zabal ibiliz gero, hauteskundeak egitera behartuko dutela ohartarazi diote.
Sanchezek bazkideak konbentzitu nahi ditu asteazken honetako osoko bilkuran, ustelkeriaren aurkako neurriak proposatuta
Ekimenak bultzatzeko PSOEren parlamentuko kideen eskakizunak mahai gainean daudela dator hitzordua. Izan ere, haien iritziz orain arte emandako erantzuna eskasa izan da.
Armengolek behin baino gehiagotan gelditu behar izan du osoko bilkura, Yolanda Diazen hitzaldian PPk egindako oihuengatik
Yolanda Diazen hitzaldian, Francina Armengol Ganberako presidenteak hainbat aldiz gelditu behar izan du osoko bilkura, PPren bankadatik zetozen oihu eta ahotsengatik.