EAJk PPrekin bat egin du, Aurrekontuek lehen bozketa gainditzeko
2018ko Estatuko Aurrekontu Orokorrek aurkeztutako zuzenketa partzialak gainditzeko, EAJk PPrekin bat egin du lehen bozketan, Diputatuen Kongresuan, astearte honetan. Besteak beste, Energia, Ogasuna, Sustapen eta Enplegu ministerioetako kontuak bozkatu dituzte arratsaldean.
EAJko talde parlamentarioak asteazkeneko “azken minutura arte” itxarongo du, Aurrekontuen txostena bozkatzeko jarrera erabakitzeko; baina arratsaldean PP, Ciudadanos, Coalicion Canaria, UPN, Foro Asturias eta Nueva Canariasekin bat egin du, lehen bozketan.
Horrela, 2018ko Estatuko Aurrekontu Orokorren proiektuak lehen bozketa gainditu du Diputatuen Kongresuan, Espainiako Gobernuaren kontuak adostu zituzten indar guztiek aldeko botoa eman dutelako (PP, Ciudadanos, EAJ, UPN, Foro Asturias, Coalicion Canaria eta Nueva Canarias). Era berean, proiektuan 41 zuzenketa barneratzeko bat egin dute.
Lehen jardunaldian Ganberako gehiengo absolutuaren 176 diputatuak batu dituzte, baina EAJk asteazkeneko bozketetan babesik ez du oraingoz bermatu; izan ere, horretarako Katalunian 155. artikulua aplikatzeari uztea eskatzen dute jeltzaleek.
Bestaldean, PSOE, Unidos Podemos, Esquerra Republicana, PDeCAT, Compromis eta EH-Bilduk kontrako botoa eman dute, baina hiru baja izan dituzte (bi Unidos Podemosen eta bakarra PSOEn).
Emaitza estua ikusita, bozketetan hanka-sartzerik egiteko aukerarik ez zegoen, ezta absentziarik ere. Aurrekontu-sail bakar bat atzera botatzearekin nahikoa zen Espainiako Gobernuaren proiektu osoa hondatzeko.
Astearte honetan egindako bozketekin, proiektuaren zuzenketa guztiak ebatzi ditu Diputatuen Kongresuak, baita Energia, Turismo eta Agenda Digitala; Hazienda eta Funtzio Publiko; Defentsa eta Sustapen ministerioetarako aurrekontu-sailak ere.
Aste honetan EAJk aurrekontuak babestuko dituela aurreratzeko “ziurtasunik” edo “uste osorik” ez duela adierazi du Iñigo Mendez de Vigo Espainiako Gobernuaren bozeramaileak, baina Exekutiboak egindako lan parlamentarioa defendatu du, kontuak “espainiar guztientzako onak direlako”.
Bestalde, Gobernu zentralak 155. artikulua altxatzen ez baldin badu, “irmo mantentzeko” eskatu dio Gemma Geis JxCateko diputatuak EAJri prentsaurrekoan.
Albiste gehiago politika
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".