GALeko sikario ohi bati 4 urteko espetxe-zigorra ezarri diote jihadismoagatik
Auzitegi Nazionaleko gai penaletarako aretoak Daniel Fernandez Aceña GALeko sikario ohiari lau urteko kartzela-zigorra ezarri dio, trebakuntza terrorista delitua egotzita. 1980ko hamarkadan GALeko sikario izan zen. Sare sozialetan eduki erradikalak argitaratu zituen, eta Segoviako autobus batean immolatzeko asmoa azaldu zuen.
“Pertsona arriskutsua” denez zigor handiagoa aplikatzen zaiola azaldu dute magistratuek ebazpenean; izan ere, GAL talde terroristarekin lotuta, iraganean hilketa delitu batengatik zigortu zuten, baita armen eta lehergailuen zaletasunagatik ere. 'Amanecer' Osasun Mentaleko Zentroaren langile bati balak eskura eman zizkion, “abisu bezala”.
Magistratuen hitzetan, bere burua trebatzen zuen, sare sozial desberdinetan mezuak gorde eta argitaratuz. Estatu Islamikoaren ideologia babestu zuen, immolatzeko eta paradisura joateko asmoa agertuz, erantsi dutenez.
Epaiaren arabera, jihad eta martirioa goratzeko foroetan parte hartu zuen zigortuak; mujahidinak defendatuz: “modu zuzenean ari dira borrokan, kalifa-herri unibertsal bat ezarri eta fedegabeak akabatu nahi dituzte”.
Segoviako etxean atzemandako materiala azpimarratu du epaiak, besteak beste, talde terroristetako 158.710 artxibo gordetzen zituen 'pen drive' bat eta lehergailuak egiteko eskuliburu bat disko gogor batean. Epaileen esanetan, materiala bere burua trebatzeko eta doktrinatzeko zen, ezin da beste ondorio batera heldu; kalte egiteko helburua zuen.
Maiatza amaieran egindako epaiketan, akusatuak azken hitza aprobetxatu zuen. Jihadismora aldatu ez dela adierazi zuen, musulmana ez dela eta arabieraz hitz egiten ez duela ziurtatuz. “Niri Siria bost axola, eta horregatik ez dut kontzientzia gaiztorik”, esan zuen epaimahairen aurrean. Fiskaltzak 10 urteko espetxe-zigorra eskatu zuen, doktrinamendu eta terrorismoa goratzea leporatuta.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.