Kongresuak Espainiako Gobernuaren gastu-sabaia errefusatu du, EAJk soilik babestuta
Kongresuak Espainiako Gobernuaren 2019rako gastu-sabaia eta defizit helburuak errefusatu ditu, PSOEk eta EAJk soilik babestu ostean. PP, Ciudadanos, Coalicion Canaria, Foro Asturias eta UPNk kontra bozkatu dute. Unidos Podemos, ERC, PDeCAT, Compromis eta Kanaria Berriak abstenitu gin dira.
2019rako gastu ez finantzarioaren muga eta 2019-2021 eperako defizit eta zor publiko helburuaren akordioa ukatu egin ditu. Aldeko 173 boto, 86 abtentzio eta kontrako 88 boto izan dira.
Finkatze fiskalerako Espainiako Gobernuak onartutako bide berri hau errefusatu ostean, dagoeneko ez dute eztabaidatu ez bozkatuko ere Senatuko osoko bilkuran, eta Aurrekontuen Egonkortasun Legearen arabera, Gobernuak hilabeteko epea du gehienez helburu berria aurkezteko. Prozedura berbera jarraitu beharko du.
Ostiral honetan Kongresuko osoko bilkuran errefusatu dituzten defizit-helburuak honako hauek dira: BPGren % 1,8an 2019an, % 1,1ean 2020an, eta % 0,4an 2021ean. Aurreko bidea % 2,2koa, % 0,3koa eta superabitarena zen, hurrenez hurren.
Isabel Celaa Espainiako Gobernuko bozeramaileak azaldu duenez, Gobernuak defizit publikoaren eta gastu-sabaiaren zuzenketa bide berri bat aurkeztu beharko du hilabeteko epean, Egonkortasun Legeak ezartzen duen moduan.
Errefusatutako gastu-sabaia hilabete barru berriro ere Kongresura eramango duela dio Monterok
Bestalde, Maria Jesus Montero Ogasun ministroak esan du Kongresuaren ezetzak aurreko bidera bueltatzea esan nahi duela, eta espainiarrei dituzten eskubideak lapurtzea. Halere, Bruselak baimentzen duen helburu fiskala baino ahulagoa eramango ez dutela nabarmendu du; eta legea betetzeko beharrezkoa den guztitan eramango dutela.
Halaber, Espainiako Gobernuak 2019ko Aurrekontuak egiteko lanean jarraituko duela adierazi du, akordioetara iritsi ahal izateko, "eta egunetik egunera herritarrek zertxobait hobeto bizi ahal izan dezaten".
Monterok esan duenez, errefusatuko defizit-helburuak berriro ere aurkeztu egingo ditu Gobernuak hilabete barru, Egonkortasun Legearen errekerimenduak betetzeko, "aurreko bidera itzultzeko emaitza izan" arren, murriztaileagoa.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.