Katalunian ez duela auzibiderik abiatu nahi baieztatu du Sanchezek
Pedro Sanchez Espainiako Gobernuko presidenteak gaur ziurtatu duenez, Katalunian ez du "auzibide gehiago" abiatuko. Era berean, legedia eta Autonomia Estatutua betetzea defendatuko duela berretsi du.
PSOEk Mariano Rajoyren Gobernuari Kataluniako auzian erakutsitako leialtasuna izan dezaten eskatu dio Pablo Casado PPko liderrari Ministroen Kontseiluaren ostean Moncloan emandako prentsaurrekoan.
Ostegunean izandako bileran Casadok erakutsitako babesa eskertu dio PPko buruzagiari. Hala ere, koherentea izatea, ikuspegi zabala edukitzea eta "Estatu oposizioa" egitea eskatu dio.
Krisialdi politikoa izanik, politikatik konpondu behar dela uste du Sanchezek, baina "beti Konstituzioa eskuan" dutela hitz egingo dutela esan du.
Joan den astean bildutako Espainiako eta Kataluniako Aldebiko Batzordearen bilerari dagokionez, "abiapuntu ona" dela adierazi du.
Pedro Sanchezen hitzetan, Espainiako Gobernuak badaki Kataluniako arazoaren konponbideak herritarren bozketa dakarrela. Dena den, azaldu duenez, bozkatzen den akordioak Kataluniako gizartearen % 80a ordezkatu behar du, eta horretan ez dago ados independentistekin.
Gobernu berriak 'garai aldaketa' ekarri du, Sanchezen hitzetan
Espainiako Gobernuko presidenteak nabarmendu duenez, Mariano Rajoyren kontrako zentsura mozioa irabazteak eta sozialistak agintera heltzeak "garai aldaketa" ekarri du, eta orain "herritarrek euren gobernutzat dute honakoa".
Buruzagi sozialistaren ustez, Gobernuak "Espainia zintzo, aurrerakoi eta feminista" ordezkatzen du.
Sanchezek "aldaketaren agenda" zehaztu du, "Ongizate Estatuaren babesa, pentsioak eta hezkuntza" lehentasun bezala jarrita. Espainiako Gobernuko presidenteak esan du lozorrotik atera nahi duela Espainia, eta horretarako oinarrizko lau aldaketak bideratuko dituela: ekonomia, gizartea, lurralde eraldaketa eta nazioarteko dimentsioa.
Immigraziorako aginte bakarra eta autonomo faltsuak
Bi hilabeteko agintaldiaren balantzea egiteaz gain, Ministroen Kontseiluan jorratutako gaiei buruz hitz egin du. Onartutako neurrien artean dago immigrazioa kontrolatzeko aginte bakarra sortzea. Helburua da jatorrizko herrialdeetan etorkinen ontzien irteera saihesteko baldintzak hobetzea, eta ondorioz, "paterak oharkabean ez iristea".
Horrez gain, autonomo faltsuen iruzurrari aurre egiteko errege-dekretua onartuko dutela jakinarazi du. Sanchezen ustez, egoera legeztatuta, babes eta eskubide gehiago lortuko dituzte autonomoek. Asko dira gaur egun "egoera bereziki ahulean" dauden langileak (horietatik % 65 emakumezkoak dira).
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.