Francoren gorpuzkiak ezkutuan aterako dituzte Erorien Haranetik
Francisco Franco diktadorearen gorpuzkiak Erorien Haranetik "lehenbailehen" atera ahal izateko, lege-dekretua onartuko du gaur, ostirala, Espainiako Gobernuko Ministro Kontseiluak. Horrela, Francoren senideek jar ditzaketen salaketek prozesua bertan behera uztea saihestu nahi du Sanchezen gobernuak. Hori dela eta, Memoria Historikoaren Legea gaurkotuko du.
Ministro Kontseiluak lege-dekretu hori ostiral honetan bertan onartu ondoren, baina, erabakia Kongresuak balioetsi beharko du, urte politiko berriaren hasieran. Hala ere, Francoren gorpuzkiak ez dituzte egun batetik bestera aterako.
Litekeena da lege-dekretu hori bihar bertan argitaratzea Estatuko Aldizkari Ofizialean. Dena dela, prozedura administratiboa martxan jarriko denez, diktadorearen senideek helegitea jartzeko aukera izango dute.
Hala, diktadorearen gorpuzkiak Erorien Haranetik atera aurretik, erreforma Kongresuak balioestea nahi du Sanchezen gobernuak. Alabaina, Behe Ganberak lege-dekretua bozkatu aurretik ere, aurrera eraman lezake.
Horrenbestez, Espainiako Gobernuaren ustez, Francoren gorpuzkiak ezingo dituzte urria baino lehen atera Erorien Haranetik, baina herritarren protestak saihesteko, ezkutuan atera lezakete diktadorearen gorpuzkiak.
Carmen Calvo Espainiako Gobernuko bozeramaileak jakinarazi duenez, Ministro Kontseiluaren bileraren ostean egingo duen agerraldian azalduko ditu Memoria Historikoaren Legea erreformatzeko lege-dekretuaren nondik norakoak.
2017ko maiatzean diktadorea Erorien Haranetik ateratzeko legez besteko proposamena egin zion Kongresuak Espainiako Gobernuari, eta Francoren gorpuzkiak "ahalik eta eperik laburrenean" ateratzen ahaleginduko zela esan zuen Sanchezek ekainaren 18an.
Kontrako botoa emango dute PPk eta Ciudadanosek
Alderdi Popularrak eta Ciudadanosek ez dute babestuko Espainiako Gobernuak Franco Erorien Haraneko hobitik ateratzeko aurkeztuko duen lege-dekretua, premiazkoa ez dela iritzita.
PPk iragarri du helegitea aurkeztuko duela Auzitegi Konstituzionalean, lege-dekretua onartu bezain laster. Albert Riverak ere ildo beretik hitz egin du, eta Kongresuko bozketan Ciudadanos abstenitu egingo dela iragarri du.
Unidos Podemos, PDeCAT, EAJ eta EH Bildu alderdiek, berriz, dagoeneko esan dute Franco diktadorea Erorien Haranetik ateratzea babestuko dutela.
Albiste gehiago politika
La UCO entra en Ferraz por orden del juez para clonar el correo de Santos Cerdán
Fuentes próximas a la investigación han informado de que los agentes han acudido a la sede del PSOE y a las instalaciones de ADIF y de la Dirección General de Carreteras para requerir la información que les ha solicitado el juez del Alto Tribunal Leopoldo Puente.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.