Monton ministroak dimisioa eman du URJCko masterragatik
Carmen Monton Osasun ministroak dimisioa eman du URJC unibertsitateko masterragatik. “Garden eta zintzo” jokatu duela esan du ministroak. Masterrean irregulartasunik egin ez zuela errepikatu du, eta dimisioa Pedro Sanchezen Gobernuari kalterik ez egiteko aurkeztu duela erantsi du.
Montonek agerraldia egin du 21:15 aldera Ministerioaren egoitzan. Agerraldi labur batean, bere zintzotasuna aldarrikatu du Montonek: “Ez dut irregulartasunik egin, defendatu dut, eta kontzientzia oso lasaiarekin eta uste osoz defendatzen jarraituko dut”.
“Harro nago eta Pedro Sanchez presidenteari esker ona adierazi nahi diot, Gobernua osatzeko ni deitu izanagatik”, esan du Montonek. Espainiako Gobernuko presidentearen “giza kalitatea, babesa eta maitasuna une oro” sentitu izan dituela goraipatu du.
“Espainiarrek Gobernuko presidente bikaina dute, eta egoera honek kalterik ez egiteko dimisioa eman dut”, gaineratu du.
Pedro Sanchez Espainiako gobernuburuak ministroari babesa adierazi dio ordu batzuk lehenago, masterreko ustezko irregulartasunen harira.
“Lan aparta egiten ari da, eta lanean jarraituko du”, esan du Espainiako presidenteak Senatuko korridoreetan.
Montonek aurkeztutako master bukaerako lanak beste egile batzuen testu berdin berdinak ditu 19 orrialdetan, La Sexta telebistak jakitera eman duenez. Guztira, lanak 52 orrialde ditu.
Informazioaren arabera, testuek erreferentzia okerrak dituzte, eta orri-oinean zein bibliografian aipatutako dokumentuak ez dira agertzen.
Montonek dimisioa eman behar zuela uste du Pablo Iglesias Podemoseko idazkari nagusiak. “Gobernu honek ezin du PPren tankerarik izan”, defendatu du koalizio moreko buruzagiak Twitter sare sozialean.
“Sentitzen dut ministro on bat izan zatekeelako, baina unibertsitate publikoaren duintasunak ezin du beste iruzur master bat jasan, are gutxiago tesi kopiatu bat. Berehala dimisioa eman behar du”, nabarmendu du.
Maria Luisa Carcedo, Haur Pobreziaren aurkako Borroka goi-komisarioa orain arte, Osasun ministro berria izango da.
Zure interesekoa izan daiteke
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.