Eguiguren: 'Euskal estatus politiko berria Ibarretxe plana baino okerragoa da'
Jesus Eguiguren PSE-EEko presidente ohiaren esanetan, sozialistak orain "indartsuago" daudenez, jeltzaleak presionatu behar dituzte, estatus politiko berriaren bideari EAJk uko egin diezaion, euskal estatus politiko berriaren proiektu hori "Ibarretxe plana baino okerragoa" baita, eta "Katalunian bezala amaitu" dezakeelako.
Mario Onaindia Fundazioaren aurtengo saria jaso du Eguigurenek larunbat honetan Zarautzen (Gipuzkoa), politikari sozialistaren heriotzaren 15. urteurrenean. Sozialista ezagunak izan dira ekitaldian, tartean, Joaquin Almunia PSOEko buruzago ohia, Idoia Mendia PSEren idazkari nagusia, Miguel Angel Morales PSEren Antolakuntza idazkaria eta Iñaki Arriola Etxebizitza sailburua.
Esozi Leturiondo Mario Onaindiaren alargunak eman dio saria Eguigureni, "askatasuna etengabe bilatzeagatik, eta sufrimendu handia ekarri dizkiguten indarkeriaren eta sektarismoaren aurka atsedenik gabe lan egiteagatik". "Funtsean, pertsona ona izateagatik", azpimarratu du Leturiondok.
Bere hitzaldian Eguigurenek Mendiari zuzendu zaio esanez, EAJri "eman behar diogu", Espainian orain sozialistek gobernatzen dutelako, eta "indartsu" daudelako. EAJ "apur gehiago zirikatu behar dugu, azkenean Katalunian bezala amaituko dugulako bestela", aholkatu du.
Euskal estatus politiko berriari buruz Eguigurenek esan du "Ibarretxe plana baino okerragoa" dela, pertsonak herritar eta nazionalen artean banatzen dituelako. Amaitzeko, Eguigurenek ohartarazi duenez, ezin da EAJren borondatea gutxietsi, "Ibarretxe ere txantxetan zebilela uste baitzuten, eta begiratu noraino heldu zen".
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.