Euskara Errioxako kultura-ondarearen parte izatea nahi du PSOEk
Euskararen inguruan polemika handia sortu da Errioxan, izan ere, PSOEk aldaketa batzuk egin nahi ditu Errioxako Estatutuan, besteak beste, gaztelania eta euskara autonomia erkidego horretako kultura-ondarearen parte izateko. Ekimen horren bitartez, “Espainiako hizkuntza guztien topagune” izendatu nahi du Errioxa alderdi sozialistak.
PSOEk beste aldaketa bat proposatu du, Espainiarekin lankidetzan bada ere, Errioxak ikerketa zientifikoa eta teknikoa gauzatzeko eskumena izan dezan. Ildo horretatik, “euskarari eta gaztelaniari arreta berezia” jartzea eskatu du, “Errioxako jatorriaren parte izateaz gain, ondare historiko zein kulturala osatzen dutelako”.
Gainera, Errioxako Estatutuaren sarrera aldatzeko eskatu du alderdi sozialistak, izan ere, gaztelaniazko eta euskarazko lehen esaldi idatziak Donemiliaga Kukulako monasterioan agertu ziren. PSOEren iritziz, horrek denon “arreta eta babesa” merezi du.
Zehazki, Unescok Gizateriaren Kultura Ondare izendatutako Yuso eta Suso monasterioetan agertu ziren gaztelaniazko eta euskarazko lehen esaldi idatziak, Donemiliaga Kukulan. Euskarazko esaldiak ondorengoa dio: “Izioqui dugu, guec ajutu ez dugu” (Irabazi dugu, ez dugu inoren laguntzarik izan).
Jose Ignacio Ceniceros Errioxako presidenteak (PP) ziurtatu du euskarak ez duela zerikusirik errioxarrek dituzten sentimenduekin. Ildo horretatik, gaztelania haien nortasunaren bereizgarri nagusietako bat dela eta errioxar guztiek sentimendu horri eusten diotela gaineratu du.
Francisco Ocon Errioxako PSOEren idazkari nagusiak ohar batean azaldu duenez, duela 600 urte euskaraz hitz egiteari utzi zioten Errioxan, “eta asmoa ez da euskara hezkuntza sisteman ez beste edonon sartzea”. Gauzak horrela, “herritarrak bereizteko elementu bat izan beharrean, Espainiako beste hizkuntza bat” dela nabarmendu du.
“Pertsona askok herritarrak bereizteko asmoz erabili nahi dituzte hizkuntzak, baina guk guztiz kontrakoa lortu nahi dugu”, ohartarazi du PSOEren kideak azken orduetan sortutako polemikaren harira.
Bestalde, Jose Manuel Villegas Ciudadanoseko idazkari nagusiak esan du Errioxako PSOEren proposamenarekin Pedro Sanchez alderdi abertzaleen aurrean “belauniko” jartzen ari dela.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.